Надвор’е
стан атмасфэры / From Wikipedia, the free encyclopedia
Надво́р’е — сукупнасьць атмасфэрных зьяваў на lвызначаным месцы ў дольных плястах атмасфэры ў вызначаны час (суткі, месяц, год). Дасьледаваньнем надвор’я займаецца мэтэаралёгія, прагнозам надвор’я — сыноптыка. Мэтэаралягічныя зьвесткі зьбіраюцца мэтэаралягічнымі станцыямі. Шматгадовы рэжым надвор’я называюць кліматам. Прыродныя зьявы працякаюць у трапасфэры (ніжняй частцы атмасфэры) і ў гідрасфэры.
Ейны стан складаюць наступныя парамэтры:
- тэмпэратура паветра,
- атмасфэрны ціск,
- вільготнасьць паветра,
- моц і кірунак ветру,
- воблачнасьць,
- ападкі,
- іншыя атмасфэрныя зьявы.
Вылучаюць пэрыядычныя і непэрыядычныя зьмены надвор’я. Пэрыядычныя зьмены надвор’я залежаць ад сутачнага і гадавога кручэньня Зямлі. Непэрыядычныя абумоўлены пераносам паветраных мас. Яны парушаюць нармальны ход мэтэаралягічных элемэнтаў. Розьніца фазы пэрыядычных зьменаў з характарам непэрыядычных прыводзяць да рэзкіх зьмяненьняў надвор’я