Хобіт, або Туды і назад
From Wikipedia, the free encyclopedia
«Хо́біт, або́ Туды́ й наза́д» (па-ангельску: The Hobbit, or There and Back Again) — дзіцячы фэнтэзійны раман ангельскага пісьменьніка Дж. Р. Р. Толкіна, апублікаваны 21 верасьня 1937. Кніга атрымала прызнаньне і лічыцца клясыкай дзіцячае літаратуры. Галоўны пэрсанаж твору — хобіт Більба, які ўдзельнічае ў выправе гномаў па скарбы, якія ахоўвае цмок Смог. Прайшоўшы праз розныя выпрабаваньні і пабачыўшы дзівосы сьвету, Більба становіцца дасьведчаным, мужным ды адважным. Мноства сустрэтых ім на дарозе пэрсанажаў сыходзяцца зноў у заключнай бітве дзеля перамогі над злом. Цэнтральнай тэмай раману зьяўляюцца пэрсанальнае разьвіцьцё і гераізм.
Хобіт, або Туды й назад | |
The Hobbit, or There and Back Again | |
Амэрыканскае выданьне 1938 року | |
Жанр: | Дзіцячае эпічнае фэнтэзі |
---|---|
Аўтар: | Дж. Р. Р. Толкін |
Мова арыгіналу: | ангельская |
Публікацыя: | 21 верасьня 1937 |
Выдавецтва: | George Allen & Unwin |
Ілюстратар: | Дж. Р. Р. Толкін |
Афармленьне: | Дж. Р. Р. Толкін |
Носьбіт: | папера |
Наступны твор: | Уладар Пярсьцёнкаў |
- Гэтая назва мае некалькі сэнсаў. Калі вас цікавяць іншыя сэнсы, глядзіце таксама Хобіт (неадназначнасьць).
Уражаны посьпехам «Хобіту», выдавец запатрабаваў ад аўтара працягу, і Толкін пачаў працу над «Уладаром пярсьцёнкаў», у час якой уносіў у «Хобіта» пэўныя зьмяненьні дзеля іхняе большае адпаведнасьці. Гэтыя значныя зьмены былі ўключаныя ў другое выданьне раману, наступныя выданьні таксама выдаваліся з папраўкамі, аднак ужо нязначнымі.
Паводле «Хобіта» былі створаны сцэнічныя, тэле-, кіна- і радыёадаптацыі, настольныя і відэагульні.