![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b1/%25D0%25A1%25D1%2580%25D0%25B5%25D0%25BC.png/640px-%25D0%25A1%25D1%2580%25D0%25B5%25D0%25BC.png&w=640&q=50)
Срэм
From Wikipedia, the free encyclopedia
Срэм (сербск.: Срем, харв.: Srijem, венг.: Szerémség) — урадлівы ўчастак Сярэднедунайскай нізіны паміж рэкамі Дунай і Сава, які размешчаны часткай у Харватыі (Вукаварска-Срэмская жупанія), а большай часткай — у Сербіі (Срэмская акруга).
![Thumb image](http://upload.wikimedia.org/wikipedia/commons/thumb/b/b1/%D0%A1%D1%80%D0%B5%D0%BC.png/640px-%D0%A1%D1%80%D0%B5%D0%BC.png)
Назва паходзіць ад старажытнага горада Сірмій (цяпер — Срэмска Мітравіца). У XI стагоддзі разам з Мачвай гістарычнае ядро Срэма ўваходзіла ў склад аднайменнай візантыйскай фемы. У XV стагоддзі кіравалася сербскімі дэспатамі з роду Бранкавічаў. З 1521 года — у Асманскай імперыі як асобны санджак з цэнтрам у Срэмскай Мітравіцы. З 1745 года — павет габсбургскага каралеўства Славонія, у 1860—1918 гадах — камітат Венгрыі. Пасля распаду Югаславіі частка Срэма ўвайшла ў склад непрызнанай рэспублікі Сербская Краіна і стала арэнай бязлітасных баявых дзеянняў.