कंप्यूटर
गणित आ तर्क द्वारा बिबिध काम करे में सक्षम मशीन / From Wikipedia, the free encyclopedia
कंप्यूटर (अंग्रेजी: Computer) एगो सामान्य इस्तेमाल में आवे वाला इलेक्ट्रानिक मशीन हवे जेवन प्रोग्राम की आधार पर तेजी से गणना कर सकत बा। ई गणित सम्बन्धी गणना आ तर्क सम्बन्धी गणना,दुनो करे में सक्षम होला। शुरुआती दौर में कम्प्युटर खाली इलेक्ट्रानिक न होखे बलुक एनालोग कंप्यूटर भी रहलन बाकी अब इलेक्ट्रानिके कंप्यूटर इस्तेमाल होत बाटे।
पहिले की कंप्यूटरन क साइजो खूबे बड़ होखे लेकिन अब टेक्नालजी में अतना सुधार भइल बा की एगो छोटहन घड़ी में ले कम्यूटर समा सकत बाटे।
आम जनता खाली डेस्कटॉप आ लैपटॉप के कंप्यूटर बुझेले बाकि अइसन ना बा। कंप्यूटर आजकाल बहुत चीजन में निहित रूप से लागल रहत बा। एमपी3 प्लेयर, कैमरा, टीवी नियन कइयो अइसन रोज इसतेमाल होखे वाला चीजन में कम्यूटर क इस्तेमाल निहित रूप से भइल रहत बा। मोबाइल फोन त एगो छोटमोट पर्सनल कंप्यूटरे होखल जात बा। एही तरे मौसम बिज्ञान नियर चीजन में इस्तेमाल होक वाला कंप्यूटर अब्बो कमरा भर क होखे लें।