गूगल
इंटरनेट आ टेक्नालॉजी के क्षेत्र में, अमेरिकी मल्टिनेशनल कारपोरेशन / From Wikipedia, the free encyclopedia
गूगल एगो अमेरिकी मल्टीनेशनल टेक्नोलॉजी कंपनी बा। ई इंटरनेट-संबंधी बिबिध प्रकार के सर्विस आ चीज उपलब्ध करावे ले। एह में ऑनलाइन परचार, खोज, क्लाउड कंप्यूटिंग, सॉफ्टवेयर, आ हार्डवेयर सामिल बा। गूगल के स्थापना साल 1998 में लैरी पेज आ सर्जी ब्रिन के द्वारा कइल गइल जब ऊ दुनों लोग पीऍचडी के बिद्यार्थी रहल। वर्तमान में इनहन लोग के पास कुल 14 प्रतिशत शेयर बा आ ई लोग सुपरवोटिंग स्टॉक के जरिये 56 प्रतिशत वोटिंग पावर रखे ला। पहिले ई पूरा तौर पर निजी कंपनी रहल। सुरुआती पब्लिक ऑफर के 19 अगस्त 2004 के सुरू कइल गइल आ गूगल अपना नया हेडक्वार्टर में गइल। गूगल के एह नवका हेडक्वार्टर के नाँव गूगलप्लेक्स बा आ ई कैलिफोर्निया के माउंटेन व्यू इलाका में स्थित बा। अगस्त 2015 में गूगल अपना के दोबारा स्ट्रक्चरिंग कइलस। एकरा बाद सुंदर पिचाई एकर सीईओ बनलें। लैरी पेज अल्फाबेट के सीइओ बनलें।[3] [4]
प्रकार | सब्सिडरी |
---|---|
इंडस्ट्री |
|
स्थापित | सितंबर 4, 1998; 25 साल पहिले (1998-09-04) |
संस्थापक |
|
मुख्यालय | गूगलप्लेक्स, माउंटेन व्यू, कैलिफोर्निया, अमेरिका[1] |
सेवा के एरिया | दुनिया भर |
प्रमुख लोग | सुंदर पिचाई (सीईओ) |
कर्मचारी संख्या | 57,100 (Q2 2015) |
मूल कंपनी | अल्फाबेट इंक॰ (2015–वर्तमान) |
वेबसाइट | www |
Footnotes / references [2] |
इंटरनेट के वेबसाइट सभ के रैंकिंग बतावे वाली कंपनी अलेक्सा के आँकड़ा के मोताबिक गूगल दुनिया के सभसे ढेर विजिट कइल जाये वाली साइट बाटे। टॉप 100 में भी एकर कई गो सर्विस शामिल बाड़ी, उदाहरण खातिर यूट्यूब आ ब्लॉगर।