Готфрид Вильгельм Лейбниц
From Wikipedia, the free encyclopedia
Готфрид Вильгельм Лейбниц (Gottfried Wilhelm Leibniz гү, али Герман: Gottfried Wilhelm von Leibniz; 1646 он оной 6 һарын 21 [Хуушан стиль 7 һарын 1] — 1716 оной 11 һарын 14) — саксон философ, логик, математик, механик, физик, хуулиша, түүхэшэ, дипломат, зохёон бүтээгшэ ба хэлэ шэнжэлэгшэ.[16] Бранденбургын эрдэм ухаанай бүлгэмые (Һүүлдэнь Берлинэй эрдэм ухаанай академи болоһон) үндэһэлэгшэ ба тэрэнэй түрүүшын түрүүлэгшэ (1700 онһоо хойшо)[17], Франциин эрдэм ухаанай академиин хари гэшүүн[18].
Готфрид Вильгельм Лейбниц | |
Gottfried Wilhelm Leibniz | |
1700 оной хүрэг | |
Ажал үйлэ: |
философ, математик, логик |
---|---|
Түрэһэн үдэр: |
1646 оной 7 һарын 1(1646-07-01)[1][2][3][4][5][6][7][8][9][10][11][12] |
Түрэһэн газар: |
Лейпциг |
Эрхэтэнэй харьяалал: |
курфюршество Саксония[d] |
Наһа бараһан үдэр: |
1716 оной 11 һарын 14(1716-11-14)[6][1][13][2][5][7][8][14][9][10][11][12][15] (70 наһатай) |
Наһа бараһан газар: |
Һанновер |
Гарай үзэг: |
1676 онһоо хойшо Һанноверэй гүнүүдэй ордондо алба хааһан намтартай. I Пётрын хүсэлтээр Орос гүрэндэ һуралсал болбосорол болон гүрэнэй захиралгын түсэлнүүдые хүгжүүлбэ.[19]
Лейбницые дахан, бодото юртэмсэ хадаа монаданууд гэһэн бэе бэетэй уридһаа тогтооһон эе эбэй хамаанда байдаг психикын оролдосотой субстанцинуудһаа бүридэнэ («Монадология», 1714); бурхан оршодог юртэмсэ «бүхы боломжотой юртэмсэнүүдһээ эгээн һайн» хэб маягаар бүтээһэн юм («Теодицея», 1710). Рационализмын һүнэһэнээр, хүнэй ухаан оршон тогтоохын дээдэ ангилалые болон юрэнхы заатагүй математикын ба логикын үнэниие ойлгохо шадабари тухай һургаалые хүгжүүлбэ («Хүнэй ухаан тухай шэнэ туршалга», 1704). Математикын логикын үзэл баримтые урид мэдэжэ үзэбэ («Комбинаторикын уралиг тухай», 1666). Дифференциал болон интеграл тоосоололой зохёогшодой нэгэн.