Коми-пермягууд
From Wikipedia, the free encyclopedia
Коми-пермягууд (коми Перем комиэз, коми морт, коми отир) — Оросой холбоото уласай Коми Уласай ба Пермиин хизаарай уугуул арад түмэн юм. Коми-пермягууд Пермиин хизаарай баруун хойто хэһэгтэ байрладаг Коми-Пермяк тойрогто, Красновишерскын аймагта, Язьва голой эрьегээр, ба Кировой можын Афанасьевскын аймагта ажаһууна.
Түблэрһэн газар орон | |
---|---|
Шажан | |
Түрэл арад түмэн | |
Агнуури, загаһа барилга, таряалан, мал ажахы эрхилһэн түүхэтэй. Мүнөө үедэ гол түлэб хүдөө ажахы ба ой модо борбосорол эрхилнэ.
Зарим хизаар ороноо шэнжэлэгшэдэй ёһоор, мүнөөнэй хойто ба баруун хойто Кировой можын, Пермиин хизаарай ба Свердловскын можын хүн зоной диилэнхи хуби (зүүн хойто хуби гадна) коми-пермяк гарбалтай байна[1]. XV зуун жэлһээ эхилээд новгородойхид ба Ростов гүнлигэй, Москвагай гүрэнэй ажаһуугшад Хойто Ураалые, Ара Ураалые колонизировалхада түрэлхи коми-пермягууд ба мансинууд ород хэлэтэй, ород соёлтой боложо, ородуудтай холижо өөрөө ород гэжэ эхилбэ. Энэһээ гадна коми-зырянуудтай хамта коми-пермягууд Орос Сибириие колонизацида хубаалсаба[2]. 1897 ондо Оросой эзэнтэ гүрэндэ 105 тухай мянган коми-пермяк түрэлхи хэлэтэй хүн ажаһууба[3]