元素週期表
根據原子序趁嫩遘大排其化學元素其表格 / From Wikipedia, the free encyclopedia
參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
化學元素週期表是根據原子序趁嫩遘大排其化學元素其表格。者表格是長方形其樣式,有其元素週期臺中有空其地方。將特性接近其元素廮着蜀族裡勢,譬如講鹵素共惰性氣體就是總款廮蜀族裡勢。總款其做法會敆者表裡勢做出元素分區來。者元素週期表會使準確其預測各種元素其特性共之間其關係,故此敆化學共其他科學裡勢野稠使遘,特別是敆研究化學行為其辰候野有乇使。
元素週期表由俄羅斯化學家德米特里·門捷列夫敆1869年發明其,掏來展示許辰候已經會仈其元素其特性共週期性。遘尾了,因為理論模型其發展共新元素其發現,最終變成今旦其樣式。門捷列夫通過者乇準確預測出來仂囝許辰候固未發現其元素共伊其特性。以後科學家就真其發現夫款其元素,證明伊預測其無綻。
敆今旦其元素週期表裡勢,趁1號(氫)遘118號()其所有元素都已經成功合成了。其中,1號(氫)遘98號(鐦)敆自然界臺中都有,剩下來其(也包括野価其放射性同位素)都是敆實驗室裡勢合成其。現在以後其元素其合成固𡅏敆𡅏做,因為嚽帶出蔣擴展者表其問題。