یۆھانس کێپلەر
From Wikipedia, the free encyclopedia
یۆھانس کێپلەر (بە ئینگلیزی: Johannes Kepler؛ لەدایکبووی ١٥٧١ – مردووی ١٦٣٠) بیرکار و گەردوونناس و ئەستێرەناسی ئاڵمانیایی بوو. ئەو ڕۆڵێکی سەرەکی ھەبوو لە شۆڕشی زانستیی سەدەی ١٧ھەمدا. ناوبانگی کێپلەر دەگەڕێتەوە بۆ یاساکانی لەبارەی جووڵەی ھەسارەکانەوە کە چەندین بەرھەمی بوون لە بوارە جیاجیاکان، ئەوانیش: Astronomia nova ,Harmonices Mundi، و Epitome of Copernican Astronomy. ئەو بەرھەمانەی کێپلەر یەکێک لە بنچینەکانی یاسای ڕاکێشانی گەردوونیی نیوتۆن بوون.
یۆھانس کێپلەر | |
---|---|
Johannes Kepler | |
لەدایکبوون | Johannes Kepler ٢٧ی کانوونی یەکەمی ١٥٧١ Weil der Stadt (ئیمپراتۆریەتیی ڕۆمیی پیرۆز) |
مەرگ | ١٥ی تشرینی دووەمی ١٦٣٠ (٥٨ ساڵ ژیاوە) ڕێگنسبورگ (ئیمپراتۆریەتیی ڕۆمیی پیرۆز) |
گۆڕ | ڕێگنسبورگ |
پەروەردە | Bachelor of Arts، Master of Arts |
زانکۆ | |
پیشە | سروشتناس، ئەستێرەناس، evangelical theologian، ماتماتیکزان، ئەستێرەناس، مۆسیقاناس، فیزیکزان، cosmologist، music theorist، فەیلەسووف، نووسەر، مامۆستا، داھێنەر |
شوێنکار |
|
کارەکان | Astronomia nova، De Cometis Libelli Tres، Epitome Astronomiae Copernicanae، Harmonices Mundi، Rudolphine Tables |
ھاوسەر | Barbara Müller، Susanne Reuttinger |
باوان | |
خێزان | Margarethe Maickler |
خەڵاتەکان | |
واژوو | |
کێپلەر مامۆستای بیرکاری بوو لە قوتابخانەیەکی ئایینی لە گراتز، نەمسا. دواتر بووە یاریدەدەری گەردوونناسی دانمارکی تیچۆ براھی. و لە کۆتاییشدا بووە بیرکاری ئیمپراتۆرییەت لەسەردەمی ئیمپراتۆر ڕودۆڵفی دووەم و دوو جێگری ھەمان ئیمپراتۆر بەناوەکانی ماتیاس و فردیناندی دووەم. و ھەروەھا لە لینتز، نەمساش مامۆستای بیرکاری بووە، و ڕاوێژکاری ژەنەڕاڵ ڤۆڵێنشتاینیش بووە. سەرەڕای ئەوەش، بەشداریی گەورەی پێشکەش بە بواری ئۆپتیک کردووە، و جۆرێکی باشتری تەلیسکۆپی ڕووناکی دروست کرد، کە ئێستا پێی دەگوترێ تەلیسکۆپی کێپلەری. و کێپلەر لە دۆزینەوە تەلەسکۆپییەکانی ھاوسەردەمەکەی، گالیلێو گالیلەی ئاماژە بە ناوی کراوە.
کێپلەر لە سەردەمێک دەژیا کە ھیچ جیاوازییەکی ڕوون نەبوو لە نێوان گەردوونناسی و ئەستێرەناسی (پێشبینیکردنی داھاتوو بەھۆی ئەستێرەکان). بەڵام دابەش بوونێکی دیار ھەبوو لە نێوان گەردوونناسی و فیزیک.