Тĕк (сĕтпе ӳсекеннисен)
From Wikipedia, the free encyclopedia
Тĕк, е Сĕтпе ÿсекеннисен тĕкĕ (лат. pili, ав.гр. τρίχες) — ӳт майлашăмĕ, эпидермисран тухса тăраканскер, эпителиаллĕ пайрăмсен нумай сийлĕ тата çип пек тытăмĕ (кератиноцитсем, меланоцитсем), вĕсем ÿсĕм пăнчинчен аяккарах мăйракаланса пыраççĕ, сĕтпе ÿсекенсен тирне хупласа тăраççĕ. Тĕп компонент — кератин.
Ку терминăн урăх пĕлтерĕшсем пур, Тĕк (пĕлтерĕшсем) пăхăр.
Чăваш чĕлхинче пуç çинче ÿсекен çавнашкал чĕлкĕмсене çеç çӳç теççĕ. Ытти тĕлте ÿсекеннисене апла каламаççĕ. Çавăн пекех урăх чĕрчунсенни пирки те апла калани çук.[1]
Сĕтпе ÿсекеннисен, вăл шутра этемĕн, тĕкĕ çăра та вăрăм пулсан, ăна çăм теççĕ (çÿçсĕр, сухалсăр, мăйăхсăр, çилхесĕр, хӳрери хĕлĕхсĕр тата ытти хăшпĕр майлашăмсемсĕр пуçне).