Estres
buruko edo gorputzeko tentsioa izendatzeko erabiltzen den terminoa / From Wikipedia, the free encyclopedia
Estresa ingelesetik datorren izena da, "tentsioa" esan nahi duena. Buruko ala gorputzeko tentsioa izendatzeko erabiltzen da, kanpoko kinada batek sortua, gorputzean aldaketa fisiologiko nabarmenak eragiten dituena. Estresa sortzen duten kinadak eragile estresagarri deritzonak dira.
- Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.
Estres | |
---|---|
Deskribapena | |
Mota | prozesu biologikoa risk factor (en) |
Arrazoia(k) | stressor (en) |
Identifikatzaileak | |
MeSH | D013312 |
Gaur egun patologia bat bihurtu bada ere, estresa bizi-iraupenerako erantzun natural eta beharrezkoa da. Izan ere, hasieran defentsa-mekanismoa zen estresa, kronikoa bihurtzen denean osasun-arazo larriak ekartzen baditu ere. Erantzun natural hori gehiegizkoa denean jasangaitzeko tentsioa agertzen da, gorputzean eragina duena, hainbat gaixotasun agertuz. Nerbio-sistema eta sistema endokrinoa aktibatzen ditu estresak, eta bizkortze horren ondorioz gaitz ugari etor daitezke, besteak beste:
- hipertentsioa,
- nekea,
- gaitz kardiobaskularrak (hipertentsioa, arritmia, takikardia...),
- digestio-aparatuaren gaitzak (gastritisa, idorreria, ultzerak...),
- antsietatea, fobiaren bat (estresaren sorburu den zerbaiti lotua) eta depresioa,
- insomnioa...