RuPaul's Drag Race
From Wikipedia, the free encyclopedia
RuPaul's Drag Race telerrealitate telebista-saio estatubatuarra da, talent show formatukoa. World of Wonder ekoiztetxeak sortua, lehen zortzi denboraldiak Logo TV telebista kateak aireratu zituen, bederatzigarren denboralditik hamalaugarrenera VH1 kateak aireratu zuen, eta hamabosgarrenetik MTV kateak aireratzen du. Saioan RuPaulek AEBetako Hurrengo Drag Superizarra aurkitu nahi du, RuPaul saioaren ekoizlea, aurkezlea, lehiakideen mentorea eta epaile nagusia delarik. Lehiakideek erronka eta froga ezberdinak burutu behar dituzte astero. Epaimahaikideak RuPaul bera, Michelle Visage, Ross Mathews, Carson Kressley eta beste gonbidatu batzuk dira: lehiakideen eginkizuna eta aurrerapena baloratu eta kritikatzen dute planteatzen den froga eta erronka bakoitzean. Erronken artean ibiltoki paseak, argazki sesioak, monologoak, antzespenak, dantza frogak, edo joste eta makillaje frogak daude, besteak beste.
RuPaul's Drag Race | |
---|---|
Jatorria | |
Sortzailea(k) | RuPaul |
Izenburua | RuPaul's Drag Race |
Jatorrizko hizkuntza | ingelesa |
Jatorrizko herrialdea | Ameriketako Estatu Batuak |
Sasoi kopurua | 16 |
Atalak | 207 |
Banatze bidea | eskatu ahalako bideo |
Honen izena darama | azelerazio-lasterketa, drag queen eta RuPaul |
Ezaugarriak | |
Genero artistikoa | telerrealitatea, Lehiaketa programa eta LGBTI+ related TV series (en) |
Ekoizpena | |
Konpainia ekoizlea | World of Wonder (en) |
Aurkezlea | RuPaul |
Emanaldia | |
Jatorrizko igorlea | Logo TV (en) VH1 USA (en) MTV |
Hasiera-data | 2009ko otsailaren 2a |
Historia | |
Jasotako sariak | Primetime Emmy Award for Outstanding Reality-Competition Program (en) 70th Primetime Emmy Awards (en) Primetime Emmy Award for Outstanding Reality-Competition Program (en) 71st Primetime Emmy Awards (en) Primetime Emmy Award for Outstanding Reality-Competition Program (en) 75th Primetime Emmy Awards (en) |
mtv.com… | |
RuPaul's Drag Race-en 14 denboraldi eman dira 2009tik, eta hiru spin-off sortu dira, RuPaul's Drag U, RuPaul's Drag Race All Stars eta RuPaul's Secret Celebrity Drag Race. Saioa Logo TV-ren saio arrakastatsuena da.[1]. Hainbat herrialdetan saioaren egokitzapen propioak ekoitzi dituzte.
Lehiaketa saio onenaren Primetime Emmy saria eskuratu du lau alditan, eta Telerrealitate Aurkezle onenaren Emmy Saria sei alditan.[2][3]