Txikipedia:Monolaborantza
From Wikipedia, the free encyclopedia
Monolaborantza nekazaritza-teknika bat da, landare-espezie bakarra landatzen duena lur-eremu handi batean. Monolaborantza hitza erabiltzen denean, normalean nekazaritza-ustiategi oso batean egiten den nekazaritza-motari buruz hitz egiteko izaten da; baina lur-zati edo soro bati buruz hitz egiteko ere erabil daiteke, edota, maila zabalagoan ere, eskualde oso bateko nekazaritza-mota deskribatzeko.
Monolaborantzaren kontrako teknikari polilaborantza deitzen zaio. Hau da, polilaborantzan, labore bat baino gehiago lantzen dira dena delako eremuan, baina normalean lur-eremu txikietan erabiltzen da.
Historikoki, monolaborantza herrialde kolonizatu batzuetan ezarri zen, Indonesian eta Kariben esaterako (hala nola kafea, tea, azukre kanabera edo kotoiarekin.) Horrela, potentzia kolonizatzaileek zenbait produkturen monopolioa ziurtatzen zuten, eta bertako biztanleek ia esklabo gisa lan egiten zuten landaketa horietan.