OpenOffice.org
From Wikipedia, the free encyclopedia
Clamât propiamentri OpenOffice.org (no OpenOffice, par vie di une dispute su lis marcjis), al è un progjet comunitari cun l'obietîf di creâ une suite pal ufizi basade su codiç a risultive vierte (cun licence LGPL).
OpenOffice.org Writer, version par inglês | |
Disvilupadôr | Sun Microsystems |
---|---|
Ultime version | 3.0.0 |
Date ultime version | 13 di Otubar dal 2008 |
Sisteme operatîf | Multiplateforme |
Gjenar | Suite pal ufici |
Licence | LGPL |
Pagjine web | fur.openoffice.org |
Cheste suite e pues lei cence modifichis files creâts cun Microsoft Office, la suite di ufici plui pandude, ma dopre preferibilmentri un so formât di file, basât sul standard XML. Plui in specific, i files creâts di OpenOffice.org a son files XML comprimûts, cussì che a ocupin mancul puest sul disc.
A son disponibilis versions di OpenOffice.org par Microsoft Windows, Linux, Solaris e MacOS Il progjet al è nassût cuant che la Sun Microsystems e à decidût di dâ fûr cun la licence LGPL il codiç de sô suite StarOffice; vuê la Sun e continue a vendi versions di StarOffice, che a son basadis sul codiç di OpenOffice ma ufrissin in plui un supuart tecnic e cualchi acessori (la relazion tra OpenOffice.org e StarOffice e je plui o mancul chê tra Mozilla e Netscape Navigator.