Hannelsfederaasje
From Wikipedia, the free encyclopedia
De Hannelsfederaasje (Ingelsk: Trade Federation) is in fiktive organisaasje út 'e Star Wars-franchise fan filmmakker George Lucas. It is in ynterstellêre koepelorganisaasje foar gearwurking tusken grutte hannelsûndernimmings binnen de Galaktyske Republyk, dy't gâns oan ynfloed wint yn it tiidrek fan 'e Hege Republyk. Letter rekket it ferbûn oerhearske troch de Neimoïden, en yn 'e neidagen fan 'e Alde Republyk wurdt it manipulearre troch de Sith-master Darth Sidious om 'e Nabookrisis te feroarsaakjen en in wichtige rol te spyljen by de oprjochting fan 'e separatistyske Konfederaasje fan Unôfhinklike Stelsels. Nei't Sidious (dy't eins deselde is as kânselier Palpatine) de macht grypt en it Galaktysk Keizerryk útropt, weeft er ôf mei de macht fan 'e Hannelsfederaasje.