Highlander (film)
film út 1986 fan Russell Mulcahy / From Wikipedia, the free encyclopedia
Highlander is in Britske fantasy-aksje-aventoerefilm út 1986 ûnder rezjy fan Russell Mulcahy, mei yn 'e haadrollen Christopher Lambert en Roxanne Hart. De titel betsjut "Heechlanner", en ferwiist nei de haadpersoan, dy't ôfkomstich is út 'e Skotske Heechlannen. It ferhaal giet oer Connor MacLeod, in man dy't yn 1518 berne waard. Hy is ien fan 'e Unstjerliken, dy't inkeld ombrocht wurde kinne troch ûnthalzing. Ferburgen foar de rest fan 'e wrâld fjochtsje hja in temûke ûnderlinge striid út, mei't der úteinlik mar ien fan harren oerbliuwe kin. Yn 1985 komt dy striid yn New York ta in hichtepunt. Foar de plysje liket it as is der in searjemoardner aktyf dy't syn slachtoffers ûnthalzet. Forinzysk analiste Brenda Wyatt komt MacLeod op it spoar.
Highlander | ||
film | ||
(Filmposter yn 'e Ingelske Wikipedy) | ||
makkers | ||
regisseur | Russell Mulcahy | |
produsint | Peter S. Davis William N. Panzer | |
senario | Gregory Widen Peter Bellwood Larry Ferguson | |
kamerarezjy | Gerry Fisher Tony Mitchell | |
muzyk | Michael Kamen | |
filmstudio | Highlander Productions | |
distribúsje | Thorn EMI Screen Entertainment | |
spilers | ||
haadrollen | Christopher Lambert Roxanne Hart | |
byrollen | Sean Connery Clancy Brown Beatie Edney Sheila Gish | |
skaaimerken | ||
lân/lannen | Feriene Keninkryk | |
premiêre | 7 maart 1986 | |
foarm | langspylfilm | |
sjenre | fantasy-aksje-aventoerefilm | |
taal | Ingelsk | |
spyltiid | 116 minuten | |
budget en resultaten | ||
budget | $19 miljoen | |
opbringst | $12,9 miljoen | |
filmsearje | ||
filmsearje | Highlander | |
● folgjend diel | Highlander II: The Quickening |
Fan 'e filmkritisy krige Highlander mingde resinsjes. Yn 'e bioskopen hie de film net folle súkses, mei as gefolch dat de produksje in oansjenlik ferlies litte. Nettsjinsteande dat ûntjoech Highlander him al rillegau ta in cultfilm, mei in grutte en trouwe skare fans. Dat joech oanlieding ta it ûntstean fan 'e Highlander-mediafrachise, mei trije ferfolchfilms en adaptaasjes ta ferskate oare media. De hit Who Wants to Live Forever fan 'e band Queen makke diel út fan 'e soundtrack fan Highlander. It biedwurd fan 'e film, There can be only one ("Der kin mar ien wêze"), is tige bekend wurden en makket no ûnderdiel út fan 'e Westerske popkultuer.