Library of Congress
From Wikipedia, the free encyclopedia
De Library of Congress ("Kongresbibleteek") is de offisjele neislachbibleteek foar de wetjaande macht fan it regear fan de Feriene Steaten, d.w.s. foar it Amerikaanske Kongres. Dêrnjonken is it de facto de nasjonale bibleteek fan 'e Feriene Steaten, dy't fungearret as in steatsargyf, dêr't twa eksimplaren fan alle yn de Feriene Steaten útjûne boeken en tydskriften (en in protte fan dêrbûten) opslein wurde. Datoangeande ferfollet de Library of Congress deselde funksje as dy't yn Nederlân de Keninklike Bibleteek yn De Haach hat en yn Fryslân Tresoar. Metten neffens it oantal foarwerpen dat der bewarre wurdt, is de Library of Congress de grutste bibleteek fan de wrâld. Hy is fêstige yn trije gebouwen yn 'e Amerikaanske haadstêd Washington, D.C. en ien op it plattelân fan Firginia, en is net inkeld tagonklik foar kongresleden, mar ek foar it Amerikaanske publyk. Lykwols kinne allinnich pommeranten fan it Amerikaanske regear der boeken útliene.
Library of Congress | |
---|---|
flagge | embleem |
algemiene gegevens | |
namme folút | Library of Congress ("Kongresbibleteek") |
ôfkoarting | LoC of LOC (net folle brûkt) |
lân | Feriene Steaten |
oprjochte | 1800 |
falt ûnder | it Amerikaanske Kongres |
doel | ● neislachbibleteek foar de Am. wetjaande macht; ● steatsargyf fan alle boeken dy't yn 'e F.S. útjûn wurde |
sifers | |
wurknimmers | 3.224 (2014) |
jierliks budget | $598.402.000 (2014) |
oar | |
webside | www.loc.gov |