Nitraat
From Wikipedia, the free encyclopedia
Nitraat is in sâlt mei de algemiene namme fan in poly-atomysk anion (NO3-) of funksjonele groep (R-O-NO2) dy't ien stikstof-atoom en trije soerstof-atomen befettet. Yn nitraten hat stikstof in oksidaasjetastân fan +5. Gemysk sjoen is salpetersoer (HNO3) de stamferbining fan de nitraatgroep.
Nitraat-ioanen foarmje mei metalen altyd ioanogene ferbinings, benammen mei (ierd-)-alkalimetalen. De ferbinings sulvernitraat en lead(II)nitraat wurde in soad brûkt yn laboratoariums. Mei alle metaal-ioanen, en it ammoanium-ion, foarmet it nitraat-ion nijsgjirrich genôch altyd in yn wetter te oplossen sâlt. Salpetersoer is in krêftige oksidator. Nitraatesters binne faak tige goed te baarnen en te ûntploffen.
Nitraten wurde yn de triviale nammejouwing gauris as it efterheaksel salpeter neamd:
- Kaliumnitraat: kalisalpeter of salpeter
- Kalsiumnitraat: kalksalpeter
- Ammoaniumnitraat: ammoaniumsalpeter
- Natriumnitraat: silisalpeter