San Bernardino (Kalifornje)
From Wikipedia, the free encyclopedia
San Bernardino is in stêd yn 'e Amerikaanske steat Kalifornje, yn it woastinige binnenlân fan 'e regio Súdlik Kalifornje. It is it haadplak fan it omlizzende San Bernardino County, en hie neffens gegevens fan 'e folkstelling fan 2010 likernôch 210.000 ynwenners. Dêrmei is it de grutste stêd fan San Bernardino County en de santjinde stêd fan Kalifornje, wylst it op 'e ranglist fan grutste stêden fan 'e Feriene Steaten in 99ste plak ynnimt. Mei Riverside en lytsere foarstêden foarmet it in stêdekloft dy't yn 2010 krapoan 4.225.000 ynwenners hie, en dy't ek wol bekendstiet ûnder de namme the Inland Empire ("it Binnenlânske Ryk"). San Bernardino-Riverside heart wer ta de agglomeraasje fan Grut-Los Angeles, dy't in befolking fan 18 miljoen minsken telt. San Bernardino is de earmste grutte stêd yn Kalifornje, en de op ien nei earmste (nei Detroit) yn 'e Feriene Steaten. Yn july 2012 stapte it stedsbestjoer nei de rjochter om it bankrot oan te freegjen.
San Bernardino | ||
Emblemen | ||
Polityk | ||
Lân | Feriene Steaten | |
Steat | Kalifornje | |
County | San Bernardino County | |
Sifers | ||
Ynwennertal | 209.924 (2010) | |
Oerflak | 154,5 km² (ynkl. wetter) 153,3 km² (allinnich lân) | |
Befolkingsticht. | 1.400 / km² | |
Stêdekloft | 4.224.851 (2010) | |
Hichte | 321 m | |
Oar | ||
Stifting | 1810 | |
Tiidsône | UTC-8 | |
Simmertiid | UTC-7 | |
Koördinaten | 34°06′00″N 117°18′00″W | |
Offisjele webside | ||
sbcity.org | ||
Kaart | ||
De lizzing fan San Bernardino yn San Bernardino County en yn 'e steat Kalifornje. |