Treinramp by Harmelen
From Wikipedia, the free encyclopedia
De treinramp by Harmelen barde op moandei 8 jannewaris 1962 om 9.19 oere by it Utertske doarp Harmelen oan de spoarline Utert - Woerden. By de botsing tusken twa passazjierstreinen foelen 93 deaden en 52 ferwûnen, wêrmei't dit de grutste treinramp út de skiednis fan de spoarwegen yn Nederlân is. It ûngelok waard beskôge as nasjonale ramp. Freed 12 jannewaris 1962 waard as dei fan nasjonale rou ôfkundige en de Hilversumske radiostjoerders stjoerden de tuskenlizzende dagen allinnich in oanpaste programmearring út.
Fluch de feiten
Treinramp by Harmelen | ||
Ravaazje op it plak fan de ramp | ||
bysûnderheden | ||
type ramp | treinramp | |
oarsaak | Flater fan de masinist troch tichte mist; fertraging | |
datum | 8 jannewaris 1962 | |
tiid | 9.19 oere | |
lân | Nederlân | |
provinsje | Utert | |
plak | De Putkop | |
statistiken | ||
deaden | 93 | |
ferwûnen | 52 | |
lokaasje | ||
Lokaasje fan 'e treinramp yn Nederlân.
|
Slute
Hoewol't dit ûngelok bekend bleau as de treinramp by Harmelen, fûn it plak by de buorskip De Putkop, op it grûngebiet fan de doetiidske buorgemeente Kamerik. De deaden waarden dêrom yn it register fan de gemeente Kamerik byskreaun.