Ángeles Alvariño
oceanógrafa galega / From Wikipedia, the free encyclopedia
María de los Ángeles Alvariño González, nada en Serantes (Ferrol) o 3 de outubro de 1916 e finada en La Jolla (San Diego) o 29 de maio de 2005 e coñecida como Ángeles Alvariño, foi unha zoóloga, oceanógrafa e mestra galega que liderou o comezo a investigación oceanográfica global.[1][2] Destacou por describir 22 novas especies de zooplancto mariño, o seu coñecemento dos quetógnatos e por crear novos indicadores das condicións mariñas.[1][2] Comezou a súa carreira de investigación no Instituto Español de Oceanografía en Madrid e Vigo. A súa seguinte estadía foi a Laboratorio Mariño de Plymouth. Alí converteuse na primeira muller que participou como científica nunha expedición oceanográfica mundial, pois en 1953-1954 participou como investigadora na expedición do buque británico Sarsia. Desde 1956 ata o remate da súa carreira continuou a súa investigación nos Estados Unidos no Instituto Oceanográfico Scripps e no centro de investigación en pesca da NOAA.[2][3]
Biografía | |
---|---|
Nacemento | (gl) María de los Ángeles 3 de outubro de 1916 Serantes, España |
Morte | 29 de maio de 2005 (88 anos) La Jolla, Estados Unidos de América |
Datos persoais | |
País de nacionalidade | España |
Educación | Universidade de Santiago de Compostela Universidade Complutense de Madrid |
Coñecido por | Primeira científica en traballar en barcos de exploración españois e británicos. |
Actividade | |
Campo de traballo | Oceanografía |
Ocupación | bióloga , oceanógrafa , profesora |
Lingua | Lingua castelá e lingua inglesa |
Obra | |
Abreviatura do autor en zooloxía | Alvariño |
Premios |
Ángeles Alvariño recibiu a Medalla de Prata de Galicia en 1993 e foi a figura que escolleu a Real Academia Galega de Ciencias para conmemorar o día 1 de xuño, o Día da Ciencia en Galicia, do 2015.[2][4][5] O Instituto Español de Oceanografía botou un buque en 2012 que leva o seu nome[2][6] e en 2021 o Parlamento Galego aprobou unha lei que recoñece o seu labor.[7]