Campionato de Galicia de fútbol 1923/24
From Wikipedia, the free encyclopedia
O Campionato de Galicia da Serie A 1923/24 foi a décima edición do Campionato de Galicia de fútbol organizado pola Federación Galega de Fútbol. Comezou en outubro de 1923 e rematou en marzo de 1924. O primeiro posto do torneo outorgaba a clasificación para a Copa de España.[1]
Participaron o Celta de Vigo, o Eiriña Club de Fútbol, o Deportivo da Coruña, o Racing Club de Ferrol, o Unión Sporting Club e o Pontevedra Athletic Club. O torneo disputouse en dúas fases. Na primeira fase competiron os seis equipos dividos en tres grupos de dous equipos cada un, agrupados por proximidade xeográfica, dos que resultou un equipo vencedor e un equipo derrotado por cada grupo. Na segunda fase foron agrupados os tres vencedores da fase de grupos e pelexaron polos tres primeiros postos do campionato. Do mesmo xeito, os tres equipos derrotados competiron polos tres últimos postos e un premio de consolación para o cuarto clasificado. En tódolos casos empregouse o sistema de liga a dúas voltas.[2] Proclamouse campión o Celta de Vigo.[3]