Campionato de Galicia de fútbol 1936/37
From Wikipedia, the free encyclopedia
O Campionato de Galicia da Serie A 1936/37 foi a vixésimo terceira edición do Campionato de Galicia de fútbol organizado pola Federación Galega de Fútbol.[1] Comezou en outubro de 1936 e rematou en xaneiro de 1937. Acordouse inicialmente que os dous primeiros postos outorgasen a clasificación para a Copa de España,[2] mais finalmente non puido ser así por causa da guerra civil.
Participaron o Real Club Deportivo da Coruña, o Real Club Celta de Vigo, o Racing Club de Ferrol, o Eiriña Club de Fútbol, o Lugo Sporting Club, o Club Coruña e o Unión Sporting Club, aínda que este último abandonou o torneo trala cuarta xornada, anulándose o resultado dos partidos nos que xogou.[3] O Club Lemos, campión da tempada anterior, abstivose de participar.[4][1] O torneo foi disputado en forma de liga a dúas voltas. Acordouse que descendesen á Serie B os dous peores clasificados de entre os clubs Lugo Sporting, Club Coruña, Eiriña e Racing de Ferrol,[2][1] rematando o Eiriña e o Coruña nas devanditas posicións, aínda que estes descensos non se chegarían a consumar. Proclamouse campión o Deportivo da Coruña.[5]