Campionato de Galicia de fútbol 1937/38
From Wikipedia, the free encyclopedia
O Campionato de Galicia 1937/38 foi a vixésimo cuarta edición do Campionato de Galicia de fútbol organizado pola Federación Galega de Fútbol.[1] Comezou en maio de 1938 e rematou en xullo do mesmo ano. Esta edición do campionato recibiu o nome de Copa Corpo de Exército de Galicia.[1][2][3]
Participaron o Real Club Deportivo da Coruña, o Real Club Celta de Vigo, o Racing Club de Ferrol e o Eiriña Club de Fútbol. O torneo foi disputado en forma de liga. Inicialmente, íanse xogar só dúas voltas,[3] mais durante o transcurso da competición acordouse ampliala ata catro voltas e que non fose adoptado o termo medio de goles (goal average) como sistema de desempate.[4] O campión foi o Racing de Ferrol.[5]