Catedral de Lata
From Wikipedia, the free encyclopedia
A Catedral de Lata (en ucraíno: Бляшана Катедра; Blyashana Katedra) foi a primeira igrexa ucraína independente de América do Norte. Tiña a súa sé na Igrexa serafinita. Fundada en Winnipeg, non tiña afiliación con ningunha igrexa en Europa.
Este artigo amosa letras cirílicas. Sen o soporte axeitado, o texto pode mostrar símbolos sen sentido, coma caixas, marcas e outros. |
Os inmigrantes ucraínos comezaron a chegar ao Canadá en 1891, principalmente procedentes das provincias austrohúngaras, as rexións de Bucovina e Galicia. Os procedentes de Bucovina eran ortodoxos orientais, e os de Galicia católicos orientais. En calquera dos casos, o rito bizantino era co que estaban familiarizados. En 1903, a poboación inmigrante ucraína no oeste do Canadá fíxose o suficientemente grande como para atraer a atención de líderes relixiosos, políticos e educadores.