Censo dos Estados Unidos de América do 2000
From Wikipedia, the free encyclopedia
O vixésimo segundo Censo dos Estados Unidos de América, levado a cabo pola Oficina do Censo dos Estados Unidos (United States Census Bureau), determinou que a poboación dos Estados Unidos de América ao 1 de abril do ano 2000 era de 281 421 906, un incremento do 13,2% respecto das 248 709 873 rexistradas durante o censo do ano 1990.
A poboación residente dos Estados Unidos inclúe a cantidade total de habitantes nos 50 estados e no Distrito de Columbia. Tamén foron contados os residentes do estado libre asociado de Porto Rico, cuxa poboación resultou ser de 3 808 610, un aumento do 8,1% respecto da década anterior.