Granulación aracnoide
From Wikipedia, the free encyclopedia
As granulacións aracnoides, tamén chamadas vilosidades aracnoides ou villi aracnoides (un nome máis antigo é granulacións ou corpos de Pacchioni[1]) son pequenas protrusións da aracnoide[2] (a segunda capa ou meninxe que cobre o cerebro) que se estenden na membrana máis externa ou dura máter (a grosa capa externa menínxea). Fan protrusión nos seos venosos durais do cerebro e permiten que o líquido cefalorraquídeo saia do espazo subaracnoide e entre no torrente sanguíneo.
Para outras páxinas con títulos homónimos véxase: Vilosidade.
Máis información Latín ...
Granulación aracnoide | |
---|---|
Representación diagramática dun corte a través da parte superior do cranio, mostrando as membranas do cerebro, etc. (A etiqueta de "Arachnoid granulation" -granulación aracnoide- está arriba á dereita.) | |
Granulacións aracnoides vistas nunha autopsia, onde se retirou a dura máter pero a aracnoide permanece no seu sitio. | |
Latín | Granulationes arachnoideae |
Pechar
As granulacións máis grandes dispóñense ao longo do seo saxital superior, un grande espazo venoso que vai desde a parte frontal á posterior ao longo do centro da cabeza intracranialmente. Porén, están presentes tamén noutros seos durais.