Límite de velocidade
From Wikipedia, the free encyclopedia
O límite de velocidade das estradas é empregado en moitos países para fixar a velocidade máxima (ou mínima nalgúns casos) na que os vehículos poden circular legalmente en diferentes tramos da estrada. Os límites poden ser variables nalgúns lugares, e noutros non existen límites (como as Autobahn en Alemaña). Os límites están normalmente indicados en sinais de tráfico. Os límites de velocidade adoitan estabelecerse polos órganos lexislativos das nacións ou gobernos provinciais, e son aplicados pola policía nacional ou rexional e polos órganos xudiciais.
O primeiro límite de velocidade máxima foi introducido no Reino Unido en 1860: 16 km/h. Entre o 2005 e o 2010, o límite de velocidade sinalizado máis alto era de 160 km/h en Abu Zabi,[1] pero no 2011 foi reducido a 140 km/h.[2]