Lista de circuítos da Fórmula 1
artigo de listas da Wikimedia / From Wikipedia, the free encyclopedia
A seguinte é unha lista de circuítos que albergaron carreiras de Fórmula 1 desde a tempada de Fórmula 1 de 1950 ata a tempada de Fórmula 1 de 2023.
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde decembro de 2015.) |
Varias formas distintas de trazado de carreiras foron usados ó longo da historia da Fórmula 1; incluíndo algúns construídos con tal propósito como o circuíto de Suzuka e circuítos urbanos como o circuíto de Mónaco.
Hoxe todos os circuítos de Fórmula 1 deben cumprir os máis altos requisitos de seguridade da FIA e son inspeccionados polos comisarios da FIA. A superficie da pista debe ser de asfalto. Os trazados non deben superar os 7 km. A lonxitude mínima dun circuíto para as carreiras de Fórmula 1 é de 3,5 km. A única excepción no calendario actual do Gran Premio é o Circuíto de Mónaco con 3,337 km.
O ancho mínimo de cada pista é de 12 m, e na recta inicial ata o final da primeira curva é de ata 15 m. O gradiente lonxitudinal está regulado en relación á velocidade. A recta inicial non debe ter un gradiente superior ao 2% e o gradiente na dirección de marcha debe ser do 1,5 ao 3% para a drenaxe. A cota das curvas non debe superar o 10%. Cada sitio de lanzamento debe ter unha lonxitude de 8 m.