Post-rock
Subxénero da música rock alternativo / From Wikipedia, the free encyclopedia
O post-rock é un subxénero do rock alternativo caracterizado polo uso de instrumentos comunmente asociados á música rock, pero utilizando ritmos, harmonías, timbre e progresións de acordes que non adoitan atoparse neste tipo de música. Os músicos post-rock acostuman producir música instrumental.
Post-rock | |
---|---|
Orixe musical | rock alternativo, krautrock, ambient, electrónica, música minimalista, shoegazing, rock progresivo |
Orixe cultural | finais dos 80 e principios dos 90 no Reino Unido, Canadá e Estados Unidos |
Instrumentos típicos | guitarra, baixo, batería, violín e violonchelo. Outros instrumentos usados ocasionalmente son as voces, instrumentos de vento-madeira, glockenspiels ou teclados. |
Xéneros de fusión | |
post-metal | |
Don Caballero e Tortoise estaban entre as bandas máis prominentes que se describiron como post-rock nos anos 90, pero os seus estilos eran moi diferentes, a pesar de ser bandas instrumentais que se centraban nas guitarras e nas baterías. Debido a estas diferenzas entre as distintas bandas do mesmo "xénero", moitos sosteñen que o uso do termo non é axeitado para falar de todos estes grupos.
Aínda que está fortemente enraizado coa escena indie e underground dos 80 e os 90, o estilo post-rock polo xeral aseméllase moi pouco a nivel musical ao indie rock.