Xogos Olímpicos de 1936
From Wikipedia, the free encyclopedia
Os Xogos Olímpicos de 1936 foron realizados en Berlín, en Alemaña, entre o 1 e o 16 de agosto, coa participación de 4066 atletas, sendo 328 mulleres, representando 49 países, en 22 modalidades deportivas, tornándose até entón os máis grandiosos, ben realizados, ricos e politicamente explotados Xogos Olímpicos até entón.
Nome oficial | Spiller vun der XI. Olympiad |
---|---|
Tipo | Xogos Olímpicos de Verán |
Número de participantes | 49 3.963 |
Participantes | |
Localización e Datas | |
Eventos olímpicos | 129 |
Localización | Berlín (Alemaña) Estadio Olímpico de Berlín (Charlottenburg-Wilmersdorf (pt) ) |
País | Reich alemán |
Intervalo de tempo | 1 de agosto de 1936 – 16 de agosto de 1936 |
Número de edición | 11 (1936) |
Aberto oficialmente por | Adolf Hitler |
Xuramento feito por | Rudolf Ismayr (pt) |
Facho acendido por | Fritz Schilgen (pt) |
Competición | |
Resultado | Italia (1º) |
Outro | |
Páxina web oficial | olympics.com… |
Abertos con grande pompa no espectacular e moderno Estadio Olímpico de Berlín por Adolf Hitler, o Führer do III Reich alemán, os Xogos se propoñían, subliminarmente, demostrar na práctica as teorías de superioridade racial aria pregoada polo líder nazi e os seus seguidores, que non escatimaron tempo, adestramento e recursos para producir o mellor equipo olímpico nacional montado para disputar este evento. Infelizmente para o Führer, un pequeno grupo de atletas, os negros norteamericanos, demostraría a falacia das teorías hitlerianas, conquistando a maioría das medallas do atletismo, a modalidade máis importante dos Xogos, liderados por Jesse Owens, un neto de ex-escravos, que gañou catro medallas de ouro nos 100m, 200m, relevo 4x100 e salto de lonxitude, en pleno estadio de Berlín cheo de arios loiros e estupefactos, no máis emblemático episodio da historia dos Xogos Olímpicos.
España boicoteou estes Xogos coa súa non participación. Organizou como alternativa a Olimpíada Popular en Barcelona. Suspendeuse por comezar a guerra civil o día antes da inauguración destes xogos. Algúns atletas, tanto españois como estranxeiros, permaneceron na cidade para loitar contra o levantamento militar.
Berlín asistiu á última presentación pública dun dos maiores heroes olímpicos, o grego Spiridon Louis, campión do maratón nos I Xogos, en Atenas, corenta anos antes. Xa vello, Louis entregou en cerimonia a Adolf Hitler un ramo de olivo collido nas montañas sagradas de Olimpia, inxenuamente, en nome da paz entre os pobos.