કાતરા (ઈયળ)
From Wikipedia, the free encyclopedia
કાતરા (અંગ્રેજી:Caterpillar) નામે ઓળખાતી ઈયળ લેપિડોપ્ટેરા વર્ગના સભ્યોનું ડિમ્ભકીય સ્વરૂપ છે. લેપિડોપ્ટેરા ગોત્ર એ પતંગિયા અને શલભનું બનેલું કીટક ગોત્ર છે. તેમની ખોરાક આદત મોટે ભાગે તૃણાહારી હોય છે જો કે કેટલીક જાતિ કીટાહારી છે. કેટરપિલર ખાઉધરા હોય છે અને તેમાંના ઘણાને કૃષિમાં જંતુ તરીકે માનવામાં આવે છે. ઘણી શલભ જાતિઓ ફળો અને અન્ય કૃષિ પેદાશોને વ્યાપક નુકસાન પહોંચાડે છે માટે તેઓ તેમની કેટરપિલર અવસ્થામાં સારી રીતે જાણીતી છે.
આ શબ્દની ઉત્પત્તિના મૂળ ૧૬મી સદીમાં મધ્ય અંગ્રેજી શબ્દ કેટિરપેલ (catirpel), કેટિરપેલર (catirpeller)માં રહેલા છે. તે કદાચ જૂના ઉત્તરીય ફ્રેન્ચ શબ્દ કેટિપિલોઝ (catepelose), કાટે (cate), (લેટિન કેટસ (cattus)માંથી) કેટ (cat) + (લેટિન પિલોસસ (pilōsus)માંથી) પેલોઝ (pelose), વાળવાળુંમાંથી બદલાયો હોઇ શકે છે.[1]