Brigitte Bierlein
awstriska juristka a zwjazkowa kanclerka / From Wikipedia, the free encyclopedia
Brigitte Bierlein (* 25. junija 1949 we Wienje) je awstriska juristka, wustawowa sudnica a politikarka. Po wotwołanju zwjazkoweho kanclera Sebastiana Kurza bu wona wot prezidenta Van der Bellena pomjenowana za zwjazkowu kanclerku republiki Awstriskeje. Wona bě prěnja žona w tutym zastojnstwje a předsteješe přechodnemu knježerstwu hač k wutworjenju noweho knježerstwa po dočasnych wólbach w nazymje 2019 dnja 7. januara 2020.
Do toho bě Bierlein wot 1990 do 2003 generalna rěčnica při generalnej prokuraturje Wyšeho sudnistwa, wot 2003 do 2018 wiceprezidentka Wustawoweho sudnistwa republiki Awstriskeje a wot 23. februara 2018 hač do 2. junija 2019 jeho prezidentka. We woběmaj funkcijomaj skutkowaše wona jako prěnja žona.