Zwjazkowa awtodróha 15
From Wikipedia, the free encyclopedia
Zwjazkowa awtodróha 15 (němsce Bundesautobahn 15, skrótka BAB 15 abo A 15, tež Błótowska awtodróha) je awtodróha we wuchodnej Němskej a dźěl europskeje dróhi 36. Běži wot blisko Lubnjowa ležaceho Błótowskeho třiróžka z awtodróhu 13 (Berlin–Drježdźany) přez juhowuchodnu Braniborsku hač k pólskej hranicy pola Baršća, hdźež je z pólskej do Wrócławja wjedźacej awtodróhu 18 zwjazana. Cyłkowna dołhota na němskej stronje je 64 kilometrow.
Wona ma sydom wotjězdow: Bobolce (2), Wětošow (3), Choćebuz-zapad (4), Choćebuz-juh (5), Rogozno (6), Baršć (7) a Božemysle (8). Hač do 1990tych lět běše dróha jenož jednostronsce wutwarjena.