Dagiti rehion ti Chile
umuna nga agpang nga administratibo a pannakabingbingay ti Chile / From Wikipedia, the free encyclopedia
Ti Chile ket nabingbingay kadagiti 15 a rehion (iti Espaniol, regiones; bugbugtong región), ken isu dagitoy ti umuna nga agpang nga administratibo a pannakabingbingay. Ti tunggal maysa a rehion ket idauluan babaen ti maysa intendente (idutok babaen ti Presidente ti Chile, ken ti maysa a dagus a nabutosan a rehional a konseho (consejo regional).
Dagiti rehion ket nabingbingay kadagiti probinsia (ti makadua nga agpang nga administratibo a pannakabingbingay), iti tunggal maysa ket idauluan babaen ti gobernador nga idutok babaen ti Presidente. Adda dagiti 54 a dagup dagiti probinsia. Dagiti probinsia ket nabingbingay kadagiti komuna (ti maikatlo nga agpang nga administratibo a pannakabingbingay), nga iturayan babaen dagiti konseho ti munisipio.