Montréal
From Wikipedia, the free encyclopedia
Montréal esas la duesma maxim populoza urbo di Kanada, ed anke la duesma maxim granda Franca-lingual urbo del mondo, dop Paris, Francia. Ol esas la maxim populoza urbo di la provinco Quebec. Segun statistiki dil yaro 2016 ol havis 1 704 694 habitanti. La tota surfaco dil urbo esas 431,5 km². Lua metropolala regiono havis 4 098 247 habitanti ye la sama yaro.
Montréal | ||
Kelk imaji pri Motréal. | ||
Standardo | Blazono | |
Lando: | Kanada | |
Regiono: | Kebekia | |
Informo: | ||
Latitudo: | 45°30'17" N | |
Longitudo: | 73°33'25" W | |
Surfaco: | 431,5 km² | |
Habitanti: | 1 704 694 (2016) | |
Denseso di habitantaro: | 3889,8 hab./km² | |
Horala zono: | UTC-5 (UTC-4 dum la somero) | |
Urbestro: | Valérie Plante | |
Mapo: | ||
Oficala retosituo: | ||
ville.montreal.qc.ca |
Montréal nomizesis segun "Monto Royal", kolino kun tri kulmino-punti an la centro dil urbo. Ol havas kontinentala klimato kun quar sezoni, kun varma someri e kolda e nivoza vintri.
Historiale, ol esas l'ekonomiala chef-urbo di Kanada. Lua vivo-kusto esas minima, ma la kulturo esas abundanta. Ol gastigas quar importanta universitati Kanadana: l'universitato McGill e l'universitato Concordia (Angle parolanta), e l´Université de Montréal e l´Université du Québec à Montréal (France parolanta).
L'urbo gastigis l'Universal Expozo dil yaro 1967, e la Somerala Olimpiala Ludi di 1976. De 1978 til nun, ol anke gastigas un ek la konkursi dil Internaciona Championkonkurso Formulo 1, pri automobilismo.