Forsetakosningar í Bandaríkjunum 2016
From Wikipedia, the free encyclopedia
Forsetakosningarnar í Bandaríkjunum 2016 fóru fram þriðjudaginn 8. nóvember 2016. Auðjöfurinn Donald Trump og Mike Pence, fylkisstjóri Indiana, unnu sigur á Hillary Clinton, fyrrum utanríkisráðherra, og Tim Kaine, öldungadeildarþingmann fyrir Virginíu. Þó að Clinton hafi hlotið um þremur milljónum fleiri atkvæði hlaut Trump sigur, sem skýrist af því að í Bandaríkjunum er forseti ekki kosinn í beinni kosningu heldur í gegnum kjörmannaráð.
Trump tók við embætti þann 20. janúar 2017 og varð þar með 45. forseti Bandaríkjanna og Mike Pence varð 48. varaforsetinn.