Jörundur hundadagakonungur
Gerdi sjálfan sig ad konungi Islands og sagdi danakonung ekki rádandi. / From Wikipedia, the free encyclopedia
Jørgen Jørgensen (fæddur 29. mars 1780 í Kaupmannahöfn í Danmörku – látinn 20. janúar 1841 í Hobart í Tasmaníu), sem í daglegu tali er kallaður Jörundur hundadagakonungur, var danskur sjómaður og ævintýramaður sem réð í stuttan tíma árið 1809 yfir Íslandi sem „verndari og hæstráðandi“ landsins eftir að hafa framið valdarán gegn dönskum stjórnvöldum.
Jørgen Jørgensen | |
---|---|
Verndari og hæstráðandi Íslands | |
Í embætti 26. júní 1809 – 19. ágúst 1809 | |
Forveri | Frederik Christopher Trampe (stiftamtmaður) |
Eftirmaður | Frederik Christopher Trampe (stiftamtmaður) |
Persónulegar upplýsingar | |
Fæddur | 7. apríl 1780 Kaupmannahöfn, Danmörku |
Látinn | 20. janúar 1841 (60 ára) Hobart, Tasmaníu |
Þjóðerni | Danskur |
Maki | Nora Corbett (g. 1831) |
Starf | Sjómaður, ævintýramaður |
Jørgen bjó í Bretlandi framan af og dáðist að öllu sem enskt var. Síðar þvældist hann inn í Íslandsævintýri sitt og varð þar „hæstráðandi til sjós og lands“ (nokkurs konar ígildi konungs) um nokkurra vikna skeið og er viðurnefni hans á Íslandi dregið af því að þetta bar til um hundadagana. Eftir að hann var fluttur aftur til Bretlands var hann meira og minna fangi, vegna þess að hann var forfallinn spilafíkill og greiddi sjaldan skuldir sínar. Að lokum var hann fluttur sem fangi til Ástralíu. Hann fékk frelsi nokkrum árum áður en hann dó.