Söngvakeppni evrópskra sjónvarpsstöðva 2009
From Wikipedia, the free encyclopedia
Söngvakeppni evrópskra sjónvarpsstöðva 2009 var 54. Eurovisionkeppnin. Hún var haldin 12. - 16. maí 2009 í Olympic Indoor Arena í Moskvu í Rússlandi.
Söngvakeppni evrópskra sjónvarpsstöðva 2009 | |
---|---|
Dagsetningar | |
Undanúrslit 1 | 12. maí 2009 |
Undanúrslit 2 | 14. maí 2009 |
Úrslit | 16. maí 2009 |
Umsjón | |
Vettvangur | Olimpijskij Arena Moskva, Rússland |
Kynnar |
|
Framkvæmdastjóri | Svante Stockselius |
Sjónvarpsstöð | Pervyj kanal (C1R) |
Vefsíða | eurovision |
Þátttakendur | |
Fjöldi þátttakenda | 42 |
Frumraun landa | Engin |
Endurkomur landa | |
Taka ekki þátt | |
Kosning | |
Kosningakerfi | Hvert land gefur sett af 12, 10, 8–1 stigum til tíu laga. |
Sigurvegari | Noregur Alexander Rybak |
Sigurlag | „Fairytale“ |
2008 ← Eurovision → 2010 |
Sigurvegari keppninnar var norðmaðurinn Alexander Rybak og lagið hans Fairytale,sem fékk 387 en það er 95 stigum meira en nokkurt lag hefur fengið í keppninni (áður áttu hinir finnsku Lordi metið sem var 292 stig frá árinu 2006). Ísland fékk annað sætið sem er besti árangur landsins, Aserbaídsjan fékk það þriðja, Tyrkland fjórða og Bretland náði 5. sætinu en það er besti árangur Breta síðan árið 2002.
Eftir mikla gagnrýni á atkvæðagreiðslukerfinu frá árinu 2007 var aftur ákveðið að hafa starfandi dómnefnd sem starfaði með símakosningunni í undankeppnunum. 42 lönd tóku þátt að þessu sinni; Slóvakía tilkynnti um endurkomu sína í keppnina á meðan San Marínó hætti í keppninni vegna fjárhagsvandræða. Lettland og Georgía tilkynntu að þau myndu ekki taka þátt en það var seinna tilkynnt að þau myndu samt sem áður taka þátt. Samt sem áður tók Georgía ekki þátt eftir að EBU hafnaði því lagi sem þeir höfðu valið.