თელ-ავივი
From Wikipedia, the free encyclopedia
თელ-ავივ-იაფა (ებრ.: תֵּל־אָבִיב-יָפוֹ თელ-ავივ-იაფო, არაბ.: تل أبيب, Tal ʾAbīb, შემოკლებით თელ-ავივი) — ისრაელის საქმიანი ცენტრი, სიდიდით მეორე ქალაქი იერუსალიმის შემდეგ. ქალაქი მდებარეობს ხმელთაშუა ზღვის აღმოსავლეთ სანაპიროზე. თელ-ავივი, მრავალრიცხოვან ქალაქ-თანამგზავრთან ერთად (როგორც ჩრდილოეთით, ისე სამხრეთით) ქმნის ერთიან აგლომერაციას, რომელსაც ერთობლიობაში გუშ-დანი ეწოდება. სიტყვა „თელ-ავივი“ ივრითზე „გაზაფხულის ბორცვს“ ნიშნავს.
ვიკიპედიის რედაქტორების გადაწყვეტილებით, სტატიას „თელ-ავივი“ მინიჭებული აქვს რჩეული სტატიის სტატუსი. თელ-ავივი ვიკიპედიის საუკეთესო სტატიების სიაშია. |
ქალაქი | |||||
---|---|---|---|---|---|
თელ-ავივ-იაფა תל אביב-יפו | |||||
ხედი თელ-ავივის უნივერსიტეტიდან | |||||
| |||||
ქვეყანა | ისრაელი | ||||
რეგიონი | გუშ-დანიგუშ-დანი | ||||
კოორდინატები | 32°05′00″ ჩ. გ. 34°48′00″ ა. გ. | ||||
ქალაქის მერი | რონ ხულდაი | ||||
დაარსდა | 1909 | ||||
ფართობი | 51.788 კმ² | ||||
ცენტრის სიმაღლე | 10 მ | ||||
მოსახლეობა | 405,500[1] კაცი (2012) | ||||
სიმჭიდროვე | 7,867.7 კაცი/კმ² | ||||
აგლომერაცია | 3,850,000 | ||||
ეროვნული შემადგენლობა |
ებრაელები (96,1%), არაბები (3,9%) | ||||
სასაათო სარტყელი | UTC+2, ზაფხულში UTC+3 | ||||
სატელეფონო კოდი |
(972)(3) ისრაელს გარეთ, (03) ისრაელში | ||||
საფოსტო ინდექსი | 61000–61999 | ||||
ოფიციალური საიტი | tel-aviv.gov.il | ||||
სახელის მნიშვნელობა | წყაროს მთა | ||||
თელ-ავივი დაარსდა 1909 წელს, როგორც საპორტო ქალაქ იაფოს ჩრდილოეთი უბანი, სადაც ებრაელი რეპატრიანტები სახლდებოდნენ. შემდეგ ეს ებრაული უბანი დამოუკიდებელ ქალაქად იქცა, ხოლო 1950-იან წლებში შთანთქა იაფო და ისინი ერთ მუნიციპალიტეტად, თელ-ავივ-იაფოდ, გადაკეთდა, რომელსაც ამჟამად რონ ხულდაი მართავს.[2] თელ-ავივის თეთრ ქალაქში მსოფლიოში მოდერნისტული არქიტექტურის უდიდესი კონცენტრაციაა, რის გამოც იუნესკომ ეს უბანი 2003 წელს მსოფლიო კულტურული მემკვიდრეობის ძეგლთა სიაში შეიყვანა.[3]
თელ-ავივი ისრაელის ეკონომიკური ცენტრი და მისი უმდიდრესი ქალაქია. აქ მდებარეობს თელ-ავივის საფონდო ბირჟა და მრავალი კორპორატიული შტაბ-ბინა და კვლევითი ცენტრი. ლამაზი სანაპიროს, ბარების, კაფეების და ძვირფასი მაღაზიების სიუხვისა და კოსმოპოლიტური ცხოვრების სტილის წყალობით, ქალაქი პოპულარული ტურისტული ადგილია. 2005 წლის მონაცემებით, თელ-ავივი ახლო აღმოსავლეთის უდიდესი ქალაქია ეკონომიკით, ხოლო 52-ე მსოფლიოს ქალაქთა შორის მშპ-ის მონაცემებით.[4]