Guy de Maupassant
From Wikipedia, the free encyclopedia
Ilul Henry – René – Albert – Guy DE MAUPASSANT ass n 05 ɣuct 1850 di teɣremt n Miromesnil di Tourville-sur-Arques, ɣer tama n Dieppe, deg Ugafa n Fransa. Imawlan-is msebḍan mi yesɛa 12 n yiseggasen. Yesɛedda temẓi ines taseɛdit d yemma-s deg ugama n La Normandie, anda ixuleḍ at taddart uɣur i d-yessen tameddurt n yifellaḥen d yinsayen nsen.
Guy de Maupassant | |
---|---|
Tameddurt | |
Isem-is ummid | Henry-René-Albert-Guy de Maupassant |
Talalit | Tourville-sur-Arques d Dieppe, 5 Ɣuct 1850 |
Taɣlent | Fransa |
Axxam-is | Maison du 102 Quai de Seine à Sartrouville (fr) |
Tutlayt tayemmat | Tafransist |
Lmut | Passy, 6 Yulyu 1893 |
Ideg n uẓekka | cimetière du Montparnasse (fr) |
Tamentilt n tmekkest | isragen igamanen (syphilis (fr) ) |
Tawacult | |
Baba-s | Gustave de Maupassant |
Tissulya akked | aucune valeur |
Tiɣri | |
Alma mater |
lycée Henri-IV (fr) (1859 - Institution ecclésiastique d'Yvetot (fr) (1863 - Mayyu 1868) lycée Pierre-Corneille (fr) (1868 - 1869) |
Tutlayin | Tafransist |
Iselmaden | Gustave Flaubert (fr) |
Amahil | |
Amahil | nouvelliste (fr) , dramaturge (fr) , aneɣmas, aneggal, amaru d amedyaz |
Important works |
Bel-Ami (fr) Boule de suif (fr) |
Prizes |
ẓer
|
Influenced by | Honoré de Balzac (fr) d Émile Zola |
Amussu | réalisme (fr) |
Surnames | Joseph Prunier, Guy de Valmont d Maufrigneuse |
Artistic movement | ungal |
Military service | |
Yennuɣ deg | guerre franco-allemande de 1870 (fr) |
IMDb | nm0560943 |
Yekker-d ger lecḍuḍ d lberr, tesḥer-it tugna n waman. Mi meẓẓi, iteddu d yiṣeggaden ɣer ceṭṭ i tegmert, d ilemẓi inehher taflukt deg wasif n La Seine, yessikil deg Ugrakal.
Mi yekfa almud-is, ssawlen-as, yelsa d aɛsekri di tallit n umgaru ger Fransa d Lalman. Acḥal d tikelt i d-yebder tirmi-s n tallit-a di tullisin-is anda i d-isugen lfetna ; d lɛada taweḥcit, imenɣan ger yiɣerfan d tifrat n tkerkas ur nettwaqbal.
Mi yekfa wemgaru, yexdem deg Weɣlif n tegriwa (la marine), sakkin deg Welmud azayzan (publique) anda yettwali tudert tabiruqratit iɣef iqejjem di lehmum d lɛeqliyyat n yimdanen i yudes di tirawin-is tiseklanin. Ɣas akka, yeqqim d axeddam amedyan ; iquder iman-is, qudren-t yiɣellaten-is.
Segmi d-tufrar tullist-is : Takurt n Tassemt (Boule de Suif), MAUPASSANT yebda tira deg yeɣmisen iɣer t-iwelleh Gustave Flaubert i yas-iseknen iɛewwajen n tsekla, yeḥbes seg uxeddim-is akken ad yidir d imserreḥ aḥrur. Bdan-as wuguren n tezmert. Imagraden i yettaru di tɣamsa, uɣalen-as d asluɣmu d tannant i t-yullen ɣef tira.
Di temrawt 1880-1890, yura setta wungalen : Une Vie deg 1883 ; Bel-Ami deg 1885 ; Mont-Oriol deg 1887 ; Pierre et Jean deg 1887-1888 ; Fort comme la Mort deg 1889 ; Notre cœur deg 1890 akked 305 ger tullisin d tmucuha.
Iweddeb-it waṭan n nnaqsa (névralgie) i yas-isewlellsen allen-is, yerna yesnulfa-yas-d amerɛun, ikemmel-as Syphilis, armi yuɣal yezzer di lweswas, yezga yettwali tamettant-is ; dɣa yeɛreḍ ad ineɣ iman-is weqbel ad t-tekcem tselbi d wekraf armi yemmut ass 06 Yulyu 1893. Yettwamḍel di tenḍelt n Montparnasse s tilin n yimeddukal-is, gar-asen Émile Zola.