ಇಸ್ಪೀಟೆಲೆ
From Wikipedia, the free encyclopedia
ಇಸ್ಪೀಟೆಲೆ ಯು ದಪ್ಪ ಕಾಗದ, ತೆಳುವಾದ ರಟ್ಟು, ಅಥವಾ ತೆಳುವಾದ ಪ್ಲ್ಯಾಸ್ಟಿಕ್ನಿಂದ ವಿಶೇಷವಾಗಿ ಸಿದ್ಧಪಡಿಸಿದ ಚೂರು. ವಿವಿಧ ವಿನ್ಯಾಸಗಳಿಂದ ಚಿತ್ರಿತವಾಗಿದೆ ಮತ್ತು ಇಸ್ಪೀಟೆಲೆಯ ಆಟಗಳನ್ನು ಆಡಲು ಒಂದು ಕಟ್ಟಿನಂತೆ(ಸೆಟ್) ಬಳಸಲಾಗುತ್ತದೆ. ಇಸ್ಪೀಟೆಲೆಗಳು ಕೈಯಲ್ಲಿ ಹಿಡಿಯಲು ಅನುಕೂಲವಾಗಲೆಂದು ಒಂದು ಮಾದರಿಯಲ್ಲಿ ಅಂಗೈನಷ್ಟು ಗಾತ್ರವಿರುತ್ತದೆ. ಇಸ್ಪೀಟೆಲೆಗಳ ಸಂಪೂರ್ಣ ಕಟ್ಟನ್ನು ಪ್ಯಾಕ್ ಅಥವಾ ಡೆಕ್ ಎಂದು ಕರೆಯಲಾಗುತ್ತದೆ. ಆಟದ ಸಂದರ್ಭದಲ್ಲಿ ಆಟಗಾರ ಒಂದು ಬಾರಿಗೆ ಹೊಂದಿರುವ ಇಸ್ಪೀಟೆಲೆಗಳ ಉಪಕಟ್ಟನ್ನು ಸಾಮಾನ್ಯವಾಗಿ ಹ್ಯಾಂಡ್ ಎಂದು ಕರೆಯಲಾಗುತ್ತದೆ. ಇಸ್ಪೀಟೆಲೆಗಳ ಕಟ್ಟನ್ನು ಇಸ್ಪೀಟಾಟದ ವಿವಿಧ ಬಗೆಯ ಆಟಗಳಲ್ಲಿ ಬಳಸಬಹುದು. ಇವುಗಳಲ್ಲಿ ಕೆಲವು ಜೂಜಾಟವನ್ನು ಒಳಗೊಂಡಿರುತ್ತವೆ. ಏಕೆಂದರೆ ಇಸ್ಪೀಟೆಲೆಗಳು ಪ್ರಮಾಣಕವಾಗಿರುತ್ತವೆ ಮತ್ತು ಸಾಮಾನ್ಯವಾಗಿ ದೊರೆಯುತ್ತವೆ. ಅಲ್ಲದೇ ಇವುಗಳನ್ನು ಜಾದೂ ತಂತ್ರಗಳು ಇಸ್ಪೀಟು ಕಣಿ, ಸಂಕೇತಿಕರಣ, ಬೋರ್ಡ್ ಆಟಗಳು ಅಥವಾ ಇಸ್ಪೀಟೆಲೆಗಳಿಂದ ಮನೆಕಟ್ಟುವ ಆಟದಂತಹ ಇತರ ಬಳಕೆಗಳಲ್ಲಿಯೂ ಅಳವಡಿಸಲಾಗುತ್ತದೆ. ಪ್ರತಿಯೊಂದು ಇಸ್ಪೀಟೆಲೆಯ ಮುಂಭಾಗವು (ಅಥವಾ "ಮುಖ") ಡೆಕ್ ನಲ್ಲಿ ಒಂದು ಇಸ್ಪೀಟೆಲೆಯಿಂದ ಮತ್ತೊಂದನ್ನು ಪ್ರತ್ಯೇಕಗೊಳಿಸುವ ಗುರುತುಗಳನ್ನು ಒಳಗೊಂಡಿರುತ್ತದೆ ಹಾಗು ಆಡಲಿರುವ ಆಟದ ನಿಯಮಗಳ ಅನ್ವಯ ಅದರ ಬಳಕೆಯನ್ನು ನಿರ್ಧರಿಸುತ್ತದೆ. ಯಾವುದೇ ನಿರ್ದಿಷ್ಟ ಡೆಕ್ನಲ್ಲಿ ಪ್ರತಿಯೊಂದು ಇಸ್ಪೀಟೆಲೆಯ ಹಿಂಭಾಗ ಎಲ್ಲಾ ಇಸ್ಪೀಟೆಲೆಗಳಲ್ಲಿಯೂ ಒಂದೇ ತೆರನಾಗಿರುತ್ತದೆ ಹಾಗು ಸಾಮಾನ್ಯವಾಗಿ ಒಂದೇ ವಿಧವಾದ ಬಣ್ಣವನ್ನು ಅಥವಾ ನಿರ್ದಿಷ್ಟ ವಿನ್ಯಾಸವನ್ನು ಹೊಂದಿರುತ್ತದೆ. ಇಸ್ಪೀಟೆಲೆಗಳ ಹಿಂಭಾಗವನ್ನು ಕೆಲವೊಮ್ಮೆ ಜಾಹೀರಾತುಗಳಿಗಾಗಿ ಬಳಸಲಾಗುತ್ತದೆ. ಬಹುಪಾಲು ಆಟಗಳಿಗೆ ಇಸ್ಪೀಟೆಲೆಗಳನ್ನು ಡೆಕ್ ರೂಪದಲ್ಲಿ ಜೋಡಿಸಲಾಗಿರುತ್ತದೆ ಹಾಗು ಅವುಗಳ ಕ್ರಮವನ್ನು ಕಲಸುವ(ಶಫ್ಲಿಂಗ್) ಮೂಲಕ ಯಾದೃಚ್ಛಿಕೀಕರಣ(ರಾಂಡಮೈಜ್) ಮಾಡಲಾಗುತ್ತದೆ.