ಪಿಂಕ್ ಫ್ಲಾಯ್ಡ್
ಇಂಗ್ಲಿಷ್ ರಾಕ್ ಬ್ಯಾಂಡ್ / From Wikipedia, the free encyclopedia
ಪಿಂಕ್ ಫ್ಲಾಯ್ಡ್ ಒಂದು ಇಂಗ್ಲಿಷ್ ರಾಕ್ ಸಂಗೀತ ತಂಡ. 1960ರ ದಶಕದ ಕೊನೆಯಲ್ಲಿ ಈ ಸಂಗೀತ ತಂಡ ವಿಲಕ್ಷಣ ಮತ್ತು ಸ್ಪೇಸ್ ರಾಕ್ ಸಂಗೀತದಲ್ಲಿ ಗುರುತಿಸಿಕೊಂಡಿತ್ತು. 1970ರಲ್ಲಿ ವಿಕಸನಗೊಳ್ಳುತ್ತಾ ಹೋದಂತೆ ಪ್ರಗತಿಶೀಲ ರಾಕ್ ಸಂಗೀತದಲ್ಲೂ ಅದು ಹೆಸರು ಮಾಡಿತು. ಪಿಂಕ್ ಫ್ಲಾಯ್ಡ್ ಕೆಲಸಗಳಲ್ಲಿ ತಾತ್ವಿಕ ಸಾಹಿತ್ಯ, ಶಬ್ಗ ಪ್ರಯೋಗ , ಅಲ್ಬಂನ ರಕ್ಷಾಕವಚದ ವರ್ಣಚಿತ್ರದಲ್ಲಿ ನಾವಿನ್ಯತೆ, ಮತ್ತು ಹೊಸ ಕಲ್ಪನೆಯನ್ನು ಬಿಚ್ಚಿಡುವ ಲೈವ್ ಶೋಗಳನ್ನು ಕಾಣಬಹುದು. ಅಮೆರಿಕಾ ಸಂಯುಕ್ತ ಸಂಸ್ಥಾನದಲ್ಲಿ 74.5 ದಶಲಕ್ಷ ಪ್ರಮಾಣಿತ ಘಟಕಗಳು ಸೇರಿದಂತೆ ವಿಶ್ವದಾದ್ಯಂತ 200 ದಶಲಕ್ಷ ಆಲ್ಬಂಗಳನ್ನು ಮಾರಾಟ ಮಾಡುವುದರೊಂದಿಗೆ ಈ ರಾಕ್ ಸಂಗೀತ ತಂಡ ವಾಣಿಜ್ಯವಾಗಿ ಅಭೂತಪೂರ್ಪ ಯಶಸ್ಸು ಪಡೆಯಿತಲ್ಲದೆ, ವಿಮರ್ಶಾತ್ಮಕವಾಗಿ ಮೆಚ್ಚುಗೆ ಗಳಿಸಿತು. ನೈನ್ ಇಂಚ್ ನೇಲ್ಸ್ ಮತ್ತು ಡ್ರೀಮ್ ಥೀಯೆಟರ್ನಂತಹ ಸಮಕಾಲೀನ ಕಲಾವಿದರ ಮೇಲೂ ಪಿಂಕ್ ಫ್ಲಾಯ್ಡ್ ಪ್ರಭಾವ ಬೀರಿತ್ತು. ವಾಸ್ತು ವಿನ್ಯಾಸದ ವಿದ್ಯಾರ್ಥಿಗಳಾದ ನಿಕ್ ಮೇಸನ್, ರೊಜರ್ ವಾಟರ್ಸ್, ರಿಚರ್ಡ್ ರೈಟ್ ಮತ್ತು ಬಾಬ್ ಕ್ಲೋಸ್ ಇವರಿದ್ದ ದಿ ಟೀ ಸೆಟ್ ತಂಡವನ್ನು ಸಿದ್ ಬ್ಯಾರೆಟ್ ಸೇರಿಕೊಂಡ ನಂತರದ ಕೆಲವೇ ದಿನಗಳಲ್ಲಿ 1965ರಲ್ಲಿ ಪಿಂಕ್ ಫ್ಲಾಯ್ಡ್ ಅಸ್ತಿತ್ವಕ್ಕೆ ಬಂತು. ಆದರೆ ಕೆಲವೇ ದಿನಗಳಲ್ಲಿ ಕ್ಲೋಸ್ ತಂಡವನ್ನು ಬಿಟ್ಟರು, ಅಷ್ಟಕ್ಕೂ ಈ ತಂಡ ಮುಖ್ಯವಾಹಿನಿಯಲ್ಲಿ ವಿಶೇಷ ಯಶಸ್ಸು ಪಡೆಯಲಿಲ್ಲ, ಲಂಡನ್ನ ಅಂಡರ್ಗ್ರೌಂಡ್ ಸಂಗೀತ (=ಸಂಗೀತದ ಉಪಪ್ರಕಾರಗಳ ವೈವಿಧ್ಯತೆ, ಇದು ಮುಖ್ಯವಾಹಿನಿಯಲ್ಲಿ ಇಲ್ಲದಿದ್ದರೂ ಬೇರೆ ಸಂಸ್ಕೃತಿಯ ಅಭಿಮಾನಿಗಳನ್ನು ಬೆಳೆಸುತ್ತದೆ)ಜಗತ್ತಿನಲ್ಲಿ ಮಾತ್ರ ಇದು ಜನಪ್ರಿಯವಾಗಿತ್ತು. ಈ ನಡುವೆ, ಬ್ಯಾರೆಟ್ನ ಮನಸೋಇಚ್ಚೆ ನಡವಳಿಕೆಯಿಂದಾಗಿ ಇನ್ನೊಬ್ಬ ಗಿಟಾರ್ ವಾದಕ ಹಾಗೂ ಗಾಯಕ ಡೇವಿಡ್ ಗಿಲ್ಮೊರ್ನನ್ನು ತಂಡಕ್ಕೆ ಸೇರಿಸಿಕೊಳ್ಳಲು ಆತನ ಸಹಪಾಠಿಗಳನ್ನು ಪ್ರೇರೇಪಿಸಿತು. ಬ್ಯಾರೆಟ್ನ ನಿರ್ಗಮನದ ನಂತರ, ಬೇಸ್ ವಾದಕ ಹಾಗೂ ಗಾಯಕ ರೊಜರ್ ವಾಟರ್ಸ್ ಗೀತ ರಚನೆಗಾರರಾದರು ಮತ್ತು ತಂಡದ ಪ್ರಮುಖ ವ್ಯಕ್ತಿಯಾದರು. ನಂತರದ ದಿನಗಳಲ್ಲಿ ತಂಡ ಹೊರತಂದ ದಿ ಡಾರ್ಕ್ ಸೈಡ್ ಆಫ್ ದಿ ಮೂನ್ , ವಿಷ್ ಯು ವರ್ ಹಿಯರ್ , ಆನಿಮಲ್ಸ್ , ಮತ್ತು ರಾಕ್ ಒಪೆರಾ ದಿ ವಾಲ್ ಎಂಬ ಕಲ್ಪನೆಯ ಆಲ್ಬಂಗಳು ವಿಶ್ವದಾದ್ಯಂತ ವಿಮರ್ಶಕರ ಮೆಚ್ಚುಗೆ ಪಡೆಯಿತಲ್ಲದೆ, ವಾಣಿಜ್ಯ ಯಶಸ್ಸನ್ನೂ ಗಳಿಸಿತು. ರೈಟ್ 1979ರಲ್ಲಿ ತಂಡವನ್ನು ತೊರೆದರು. 1985ರಲ್ಲಿ ವಾಟರ್ಸ್ ಕೂಡ ಈ ತಂಡಕ್ಕೆ ವಿದಾಯ ಹೇಳಿದರು, ಆದರೆ ಗಿಲ್ಮೊರ್ ಮತ್ತು ಮೇಸನ್ (ರೈಟ್ ಜೊತೆ) ಪಿಂಕ್ ಫ್ಲಾಯ್ಡ್ ಹೆಸರಿನಲ್ಲಿ ಧ್ವನಿಮುದ್ರಣ ಮತ್ತು ಪ್ರವಾಸ ಮಾಡುವುದನ್ನು ಮುಂದುವರಿಸಿದರು. ಪಿಂಕ್ ಫ್ಲಾಯ್ಡ್ ಹೆಸರನ್ನು ಈಗಾಗಲೇ ಬಳಸಲಾಗಿದೆ ಎಂದು ವಾದಿಸಿದ ವಾಟರ್ಸ್, ಅದರ ಬಳಕೆ ತಡೆಯಲು ಕಾನೂನು ಮೊರೆ ಹೋದರು, ಅಷ್ಟರಲ್ಲೇ ನ್ಯಾಯಾಲಯದ ಹೊರಗೆಯೇ ಸಮಸ್ಯೆ ಇತ್ಯರ್ಥಗೊಂಡಿತು. ಗಿಲ್ಮೋರ್ ಮೇಸನ್ ಮತ್ತು ರೈಟ್ಗೆ ಪಿಂಕ್ ಫ್ಲಾಯ್ಡ್ನಲ್ಲಿ ಮುಂದುವರಿಯಲು ಸಮ್ಮತಿಸಲಾಯಿತು. ಎ ಮೂಮೆಂಟರಿ ಲ್ಯಾಪ್ಸ್ ಆಫ್ ರಿಸನ್ (1987) ಮತ್ತು ದಿ ಡಿವಿಸನ್ ಬೆಲ್ (1994) ನೊಂದಿಗೆ ಪಿಂಕ್ ಫ್ಲಾಯ್ಡ್ ಸಂಗೀತ ತಂಡ ಮತ್ತೆ ವಿಶ್ವದಾದ್ಯಂತ ಯಶಸ್ಸು ಕಂಡಿತು, ಇದರೊಂದಿಗೆನೇ ವಾಟರ್ಸ್ ಒಂಟಿ ಸಂಗೀತಗಾರನಾಗಿ ಮುಂದುವರಿದು ಮೂರು ಸ್ಟುಡಿಯೋ ಆಲ್ಬಂಗಳನ್ನು ಬಿಡುಗಡೆ ಮಾಡಿದರು. ಕೆಲವು ವರ್ಷಗಳ ಕಾಲ ವಾಟರ್ಸ್ ಮತ್ತು ಇತರ ಮೂವರ ನಡುವಿನ ಸಂಬಂಧ ಹದಗೆಟ್ಟಿದ್ದರೂ, ಲೈವ್ 8ನಲ್ಲಿ ಕಾರ್ಯಕ್ರಮ ನೀಡುವುದಕ್ಕಾಗಿ ತಂಡ ಮತ್ತೆ ಒಟ್ಟಾಯಿತು.
Pink Floyd | |
---|---|
ಚಿತ್ರ:Pink Floyd 68.jpg | |
ಹಿನ್ನೆಲೆ ಮಾಹಿತಿ | |
ಮೂಲಸ್ಥಳ | Cambridge and London, UK |
ಸಂಗೀತ ಶೈಲಿ | Progressive rock psychedelic rock (early) |
ಸಕ್ರಿಯ ವರ್ಷಗಳು | 1965–1996, 2005, 2007 |
Labels | EMI, Harvest, Capitol, Tower, Columbia |
Associated acts | Sigma 6, Joker's Wild |
ಅಧೀಕೃತ ಜಾಲತಾಣ | www.pinkfloyd.co.uk www.pinkfloyd.com |
ಮಾಜಿ ಸದಸ್ಯರು | ಟೆಂಪ್ಲೇಟು:Agent ಟೆಂಪ್ಲೇಟು:Agent ಟೆಂಪ್ಲೇಟು:Agent ಟೆಂಪ್ಲೇಟು:Agent ಟೆಂಪ್ಲೇಟು:Agent ಟೆಂಪ್ಲೇಟು:Agent |