ಮೈಕ್ರೋಸಾಫ್ಟ್ ಸರ್ಫೇಸ್
From Wikipedia, the free encyclopedia
ಮೈಕ್ರೋಸಾಫ್ಟ್ ಸರ್ಫೇಸ್ (ಸಂಕೇತನಾಮ ಮಿಲನ್ ) ಎಂಬುದು ಮೈಕ್ರೋಸಾಫ್ಟ್ ಕಂಪನಿಯು ಹೊರತಂದಿರುವ ಒಂದು ಬಹು-ಸ್ಪರ್ಶದ ಉತ್ಪನ್ನವಾಗಿದ್ದು, ಇದನ್ನು ತಂತ್ರಾಂಶ ಮತ್ತು ಯಂತ್ರಾಂಶದ ಒಂದು ಸಂಯೋಜನಾ ತಂತ್ರಜ್ಞಾನವಾಗಿ ಅಭಿವೃದ್ಧಿಪಡಿಸಲಾಗಿದೆ; ಕಂಪ್ಯೂಟರ್ನ ಓರ್ವ ಬಳಕೆದಾರ, ಅಥವಾ ಅನೇಕ ಬಳಕೆದಾರರು ಸೂಚ್ಯವರ್ತನೆಯ ಗುರುತಿಸುವಿಕೆಯನ್ನು (ಗೆಶ್ಚರ್ ರೆಕಗ್ನಿಷನ್) ಬಳಸಿಕೊಳ್ಳುವ ಮೂಲಕ ಅಂಕೀಯ ವಿಷಯವನ್ನು (ಡಿಜಿಟಲ್ ಕಂಟೆಂಟ್) ವ್ಯತ್ಯಾಸಮಾಡಲು ಈ ಸಂಯೋಜನಾ ತಂತ್ರಜ್ಞಾನವು ಅವಕಾಶ ಕಲ್ಪಿಸುತ್ತದೆ. ಇದು ಕೈಗಳು ಅಥವಾ ಭೌತಿಕ ವಸ್ತುಗಳ ಚಲನೆಯನ್ನು ಒಳಗೊಂಡಿರಲು ಸಾಧ್ಯವಿದೆ. 2007ರ ಮೇ 29ರಂದು ನಡೆದ D5 ಸಮಾವೇಶದಲ್ಲಿ ಇದರ ಕುರಿತು ಪ್ರಕಟಿಸಲಾಯಿತು.[2] ಭೋಜನಮಂದಿರಗಳು, ಹೊಟೇಲುಗಳು, ಚಿಲ್ಲರೆ ವ್ಯಾಪಾರದ ಮಳಿಗೆ, ಸಾರ್ವಜನಿಕ ಮನರಂಜನಾ ತಾಣಗಳಂಥ ಅತಿಥಿ ಸತ್ಕಾರದ ವ್ಯವಹಾರಗಳು, ಹಾಗೂ ತಂತ್ರೋಪಾಯದ ಸ್ಥೂಲ-ಸಮೀಕ್ಷೆಗಳಿಗೆ ಸಂಬಂಧಿಸಿದ ಸೇನಾ ವಿಭಾಗದಲ್ಲಿ ಇದರ ಉದ್ದೇಶಿತ ಗ್ರಾಹಕರಿದ್ದಾರೆ. 2008ರ ಏಪ್ರಿಲ್ 17ರಂದು ಪೂರ್ವಭಾವಿ ಬಿಡುಗಡೆಯನ್ನು ಕಂಡ ಸರ್ಫೇಸ್, ಗ್ರಾಹಕ ಬಳಕೆಗೆ ಸಂಬಂಧಿಸಿದಂತೆ AT&T ಮಳಿಗೆಗಳಲ್ಲಿ ಲಭ್ಯವಾಯಿತು.[1] 2008ರ US ಅಧ್ಯಕ್ಷೀಯ ಚುನಾವಣೆಯ[3] ಸಂದರ್ಭದಲ್ಲಿ, MSNBCಯು ತನ್ನ ಪ್ರಸಾರಕಾರ್ಯದ ಅವಧಿಯಲ್ಲಿ ಸರ್ಫೇಸ್ ತಂತ್ರಜ್ಞಾನವನ್ನು ಬಳಸಿಕೊಂಡಿತು; ಡಿಸ್ನಿಲ್ಯಾಂಡ್ನ ಭವಿಷ್ಯದ ಮನೆಯ ಪ್ರದರ್ಶನಗಳ ಸಂದರ್ಭದಲ್ಲಿ ಮಾತ್ರವೇ ಅಲ್ಲದೇ ಹಲವಾರು ಹೊಟೇಲುಗಳು ಮತ್ತು ಮೋಜುಮಂದಿರಗಳಲ್ಲೂ ಸಹ ಇದು ಬಳಸಲ್ಪಟ್ಟಿದೆ. CSI ಮಿಯಾಮಿCSI: Miami ಎಂಬ CBS ಸರಣಿಯಲ್ಲಿ ಹಾಗೂ EXTRA! ಎಂಟರ್ಟೈನ್ಮೆಂಟ್ ಸುದ್ದಿಪ್ರಸಾರದ ಸಂದರ್ಭದಲ್ಲಿಯೂ ಸರ್ಫೇಸ್ ತಂತ್ರಜ್ಞಾನವು ಬಳಕೆಯಾಗಿತ್ತು. 2009ರ ಮಾರ್ಚ್ ವೇಳೆಗೆ ಇದ್ದಂತೆ, 11 ದೇಶಗಳಲ್ಲಿ 120 ಪಾಲುದಾರರನ್ನು ಮೈಕ್ರೋಸಾಫ್ಟ್ ಹೊಂದಿತ್ತು; ಇವು ಸರ್ಫೇಸ್ನ ಇಂಟರ್ಫೇಸ್ಗೆ ಸಂಬಂಧಿಸಿದ ಅನ್ವಯಗಳನ್ನು ಅಭಿವೃದ್ಧಿಪಡಿಸುತ್ತಿವೆ.[4]
This article has been nominated to be checked for its neutrality. (May 2010) |
ಅಭಿವೃದ್ಧಿಪಡಿಸಿದವರು | Microsoft |
---|---|
ಮೊದಲು ಬಿಡುಗಡೆ | April 17[1] 2008 |
ಕಾರ್ಯಾಚರಣಾ ವ್ಯವಸ್ಥೆ | Windows Vista |
ಅಧೀಕೃತ ಜಾಲತಾಣ | www.microsoft.com/surface/ |