Уллу Британия
From Wikipedia, the free encyclopedia
Уллу Британия (ингил. Great Britain; толу аты — Уллу Британия бла Шимал Ирландияны Бирлешген Королевствосу, ингил. United Kingdom of Great Britain and Northern Ireland, ингилизча кёбюсюне «United Kingdom» — «Бирлешген Королевство» деб къысхартылынады) — Кюнбатыш Европада орналгъан айрымкан къралды, кърал оноу формасы — парламент монархияды. Ара Шахары — Лондонду. Аты ингилизча Great Britain («Уллу Британия») деген сёзледен келеди, «Британия» уа — бритт тайпаны атындан.
Уллу Британия бла Шимал Ирландияны Бирлешген Королевствосу
United Kingdom of Great Britain and Northern Ireland
Гимн | God Save the Queen/King |
---|
Оноу формасы | Конституцион монархия |
---|---|
Королева Премьер-министр |
III Карл Тереза Мэй |
Тил(лер)и | ингилиз тил |
Ара шахары | Лондон |
Уллу шахар(лар)ы | Лондон, Бирмингем, Глазго, Манчестер, Эдинбург, Ливерпуль |
---|---|
Бютеу территориясы | 244 822 км2 (дунияда 76-чы) |
Сагъат бёлгеси | UTC 0 |
Бютеу халкъы (2007) | 60 776 238 адам (дунияда 21-чи) |
---|---|
Къалынлыгъы | 247 адам/км2 |
БИП (номинал) (2008) | $ 2,833 трлн. (6-чы) |
---|---|
БИП (ном.) адам башына | $ 46 432 |
Валютасы | Стерлинглени фунту (GBP) |
Домен(лер)и | .uk, .eu (Европа Бирликни члени болгъаны ючюн), .gb (хайырланмайды) |
---|---|
Телефон коду | +44 |
Британ айрымканла бла Ирландия айрымканны шимал-кюнбатыш кесегинде орналгъанды. Дагъыда кёб тюрлю ууакъ айрымканла бла архипелаглада киредиле, Атлантика океан бла, аны тенгилзери джууады. Бютеулей территориясы — 244 820 км², джери — 240 590 км², ич суулары — 3 230 км². Эм мийик джери — Бен-Невис тау (ингил. Ben Nevis гаел. Beinn Neibhis(1343 м) — Шотландияны шималындады (Грампиан таула), эм тёбен джери — Фенланд (−4 м).
Шимал бла кюнбатышда асламысы бла тау рельефди — Шимал-Шотланд таула (1343 метрге дери), Пеннин таула бла Кембрий таула; къыбылада эмда къыбыла-кюнчыгъышда — дуппурлу тюзледиле. Климаты орта океанлыкъды, мылыды. Январны орта температуралары 3-ден 7-ге дери чыгъадыла, июлну 11—17 °C; джауум — кюнбатышда джылгъа 3000 мм, къыбыла-кюнчыгъышда 600—750 мм. Баш суулары: Темза — 334 км, Северн — 310 км, Трент — 298 км, Мерси — 109 км, Клайд — 170 км. Эм уллу кёллери: Лох-Несс (56 км²), Лох-Ней (396 км²). Чегетлери (чынар, эмен, къайын) джерини 9 % алады.