Insula mortuorum
From Wikipedia, the free encyclopedia
Insula mortuorum (Theodisce: Die Toteninsel) est pictura ab Arnoldo Boecklin facta, quae quinque exemplaribus inter annos 1880 et 1886 variis modis pictis consistit. In omnibus exemplaribus depinguntur insula praeruptis saxis munita cupressique funestae ex media parte consurgentes. In fronte videmus scapham a remige vectam appropinquantem sinui insulae, cuius saxis conditoria sepulcralia caesa sunt. In scapha stat figura nivea capulum ornatum custodiens, egrediendi locum religiose intuens.
- I tabula anno 1880 picta ab anno 1920 servatur Basiliae in Kunstmuseum Basel.
- II tabula anno 1880 picta ab anno 1926 servatur Novi Eboraci in Museo artis metropolitano.
- III tabula anno 1883 picta ab anno 1980 servatur Berolini in Pinacotheca nationali vetere.
- IV tabula anno 1884 picta inter secundum bellum mundanum deleta
- V tabula anno 1886 picta Lipsiae servatur in Museo bellarum artium.