Dungeons & Dragons
From Wikipedia, the free encyclopedia
Dungeons & Dragons (saepe breviter D&D an DnD; Latine 'Catacumbae et Dracones'[1]) est ludus personarum, scilicet ludus quo lusores suscipiunt partes personarum in mundo ab illis ficto, a Geiserico Gygax creatus. Quisque lusor unam personam dirigit. Magister ludi mundum fictum dirigit, dictans id quod in illo mundo accidit, et lusores dictant id quod personae suae agunt. Regulae creatae sunt ad ludum regendum, sed licet Magistris regulas ignorare regereque ludum alio modo consilioque. Finis ludi vincere non est; immo, lusores quaerunt se oblectare tantum ludo ludendo: usualiter nemo eorum vincit.