Nukuoro
From Wikipedia, the free encyclopedia
Nukuoro est atollum in Insulis Carolinae et municipium civitatis Pohnpeiorum in Foederatis Micronesiae Civitatibus. Praeter Kapingamarangios, Nukuoro est australissimum reipublicae atollum. Numerus habitantium anno 2007 fuit 372, sed nonnulla centena insulanorum Pohnpeis habitant. Area, lacunam amplectens, est 40 km², cuius terra sicca est solum 1.7 km², divisa inter plus quam quadraginta perparvas insulas quae in septentrionalibus, orientalibus, australibusque lacunae lateribus patent. Maxima earum insularum est Nukuoro ipse, municipii caput, ubi plerique insulani habitant.
Lingua Nukuoroana, Kapingamarangianae simile, est una ex linguis Polynesiis, et cultura Nukuoroensis itaque est una ex disiunctis Polynesiae Occidentalis culturis, quae extra Triangulum Polynesium sitae sunt.