Eurovision Song Contest 1990
From Wikipedia, the free encyclopedia
De 35. Eurovision Song Contest war de 5. Mee 1990 a Jugoslawien. Organiséiert gouf d'Eurovisioun dat Joer am Koncertna Dvorana Vatroslav Lisinski zu Zagreb. Presentateure waren den Oliver Mlakar an d'Helga Vlahović.
35. Eurovision Song Contest | |
---|---|
Datum | 5. Mee 1990 |
Stad | Zagreb (Jugoslawien) |
Gebai | Koncertna Dvorana Vatroslav Lisinski |
Gewënner | Toto Cutugno (Italien) |
Zuel vu Länner | 22 |
Nei Participatiounen | Keng |
Moderatioun | Oliver Mlakar an Helga Vlahović |
Interval Act | „Jugoslawien am Wiessel“ – Touristefilm |
Ofstëmmungsreegel | An all Land huet eng Jury 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. |
Am Ganzen hunn 22 Länner matgemaach. Malta a Monaco waren net dobäi. Malta wollt zwar no 15 Joer Abstinenz nees matmaachen, ass awer net zougelooss ginn, well de Maximum vun 22 Länner schonn erreecht war.
Ee Sänger war scho virdrun eng Kéier dobäi, de Ketil Stokkan fir Norwegen 1986.
D'Reegel fir d'Ofstëmmung ass d'selwecht bliwwe wéi déi Jore virdrun: An all Land huet eng Jury 12, 10, 8, 7, 6, 5, 4, 3, 2 an 1 Punkt un déi zéng bescht Lidder verginn. D'Resultater si per Telefon op Zagreb matgedeelt ginn.
Déi éischt Plaz krut de Vertrieder vun Italien, den Toto Cutugno mat 17 Punkte Virsprong virum Joëlle Ursull (Frankräich) a mat Gläichstand och op der zweete Plaz de Liam Reilly, dee fir Irland ugetruede war.
Fir Italie war et déi zweet Kéier datt et de Grand Prix gewonnen hat.