For faster navigation, this Iframe is preloading the Wikiwand page for Stroossen.

Stroossen

Vu Wikipedia

Stroossen
Coat of arms strassen luxbrg.png
Aussprooch
An anere Sproochen fr: Strassen
de: Strassen
Land Lëtzebuerg
Kanton Lëtzebuerg
Buergermeeschter Nico Pundel (CSV)
Awunner 10.249
  1 Januar 2021
Fläch 1.071 ha
Koordinaten 49° 37’ 9’’ N
      6° 4’ 19’’ O
Websäit http://www.strassen.lu/
Map Strassen.PNG
D'Gemeng Stroossen (orange) am Kanton Lëtzebuerg (rout)

D'Gemeng Stroossen ass eng vun den 102 lëtzebuergesche Gemengen. Se läit am Kanton Lëtzebuerg an de Chef-lieu vun der Gemeng ass d'Uertschaft Stroossen, déi eenzeg Uertschaft an der Gemeng.

Uertschaften a Lieu-diten an der Gemeng

Stroossen ass déi eenzeg Uertschaft an der Gemeng; zur Gemeng gehéiert awer nach en Deel vum Reckendall.

Geographie

D'Gemeng Stroossen läit westlech um Bord vun der Stad Lëtzebuerg. Nieft der Gemeng Lëtzebuerg am Osten, leien am Südweste Bartreng, am Weste Mamer, an am Norden Kielen a Koplescht.

Duerch d'Gemeng féiert nieft der Nationalstrooss N6, och Areler Strooss genannt, déi d'Stad Lëtzebuerg mat Arel (Belsch) verbënnt och déi international Zuchstreck Lëtzebuerg – Bréissel. D'N6 gehéiert op hirer ganzer Längt zu der Voie de la Liberté.

Geschicht

Den Numm Stroossen staamt aus dem laténgesche Wuert "strata", wat souvill heescht wéi Militärstrooss. Zu der Zäit vun de Réimer ass dëse Kiem vun Tréier op Arel duerch Stroossen a Mamer verlaf.

Am Joer 1823 gouf d'Gemeng opgeléist a mat der Gemeng Bartreng fusionéiert. Den 1. Januar 1850[1] goufen d'Sektioun Stroossen, zesumme mam Deel vun der Sektioun Reckendall dat um "ban de Strassen" louch, vun der Gemeng Bartreng ofgetrennt a goufen nees eng eegestänneg Gemeng.

Am Annuaire officiel 1917 fënnt ee fir d'Gemeng Stroossen 1.381 Awunner, 278 bewunnt Haiser an 309 Famillen.

Entwécklung vun der Awunnerzuel

D'Gemeng hat um 1. Januar 2020 9.885 Awunner, wouvun der 6.135 (62,06%) Net-Lëtzebuerger sinn.

Wopen

De Wope vu Stroossen gouf an der Gemengerotssëtzung vum 14. Oktober 1976 ugeholl an duerch en Arrêté ministériel vum 7. Dezember dat selwecht Joer confirméiert.[2]

Beschreiwung: de gueules à cinq pals d'or.

De Wope vu Stroossen geet op de Jang vu Stroossen (ëm 1411) zréck[3].

Politik

De Gemengerot vu Stroossen gëtt nom Proporz-Walsystem gewielt. E setzt sech zanter 2011 aus 13 Conseilleren zesummen.

De Schäfferot, deen aus de Gemengewale vun 2011 ervirgoung, huet sech op eng Dräierkoalitioun vun CSV, déi gréng an LSAP gestäipt. No de Wale vun 2017 ass et just nach eng CSV-LSAP-Koalitioun.[4]

Bis Enn 2020 war den LSAP-Politiker Gaston Greiveldinger Buergermeeschter. De 5. Februar 2021 gouf den CSV-Politiker Nico Pundel als neie Buergermeeschter vereedegt.[5],[6].

Zesummesetzung

Joer CSV DP gréng LSAP Lénk
1999 3 5 2 1 -
2005 3 4 2 2 -
2011 3 5 2 3 -
2017 3 4 2 4 0

Quell: Inneministère / RTL.lu / elections.lu

Buergermeeschteren

  • 1850 - 1860: Jean-Pierre Kemp
  • 1861 - 1866: Pierre Witry
  • 1867 - 1872: Mathias Goergen
  • 1873 - 1875: Mathias Saur
  • 1876 - 1908: Jean Feyder
  • 1909 - 1917: François Groff
  • 1918 - 1928: Jean-Pierre Feyder
  • 1929 - 1931: Michel Weyrich
  • 1932 - 1939: Jean-Pierre Feyder
  • 1940 - 1940: Alphonse Balthasar (ff)
  • 1941 - 1942: Michel Weyrich
  • 1944 - 1945: Alphonse Balthasar (ff)
  • 1946 - 1963: Paul Barblé
  • 1964 - 1975: Jean Wirtz
  • 1976 - 1993: Fernand Derneden
  • 1994 - 2007: Gaby Leytem-Wantz
  • 2007 - 2007: Juliane Gallion
  • 2007 - 2020: Gaston Greiveldinger (LSAP)
  • zanter dem 5. Februar 2021: Nico Pundel (CSV)

Interkommunal Syndikater

De Centre Barblé vum Park aus gesinn
De Centre Barblé vum Park aus gesinn
Am Park beim Centre Barblé
Am Park beim Centre Barblé

D'Gemeng Stroossen ass Member vu follgenden interkommunale Syndikater:

Kuckeswäertes

Literatur

  • Bernard Thomas: " 'Conurbation diffuse'. Boom économique et crise du sens dans la ceinture dorée - Étude de cas de Strassen." in: d'Lëtzebuerger Land Nr. 38, 20. September 2019, S.10.
  • Kandel, Edouard: Publikationen der Gemeinde Strassen - In: 150 Joer Gemeng Stroossen: 1850 - 2000. - Strassen: Administration communale, 2001. - P. 453-465
  • Loi du 6 août 1849 qui érige une nouvelle commune sous le nom de Strassen, Mémorial N°78 vum 18. August 1849 S.791-S.792

Kuckt och

Um Spaweck

Commons: Stroossen – Biller, Videoen oder Audiodateien

Referenzen

  1. (fr)Loi du 6 août 1849 qui érige une nouvelle commune sous le nom de Strassen. legilux.public.lu (18.08.1849). Gekuckt de(n) 19.07.2020.
  2. Mémorial B 1976, Säit 1474.
  3. https://www.strassen.lu/citoyens-residents/historique
  4. "Greiveldinger ass Buergermeeschter, CSV iwwerhëlt no 3 Joer." rtl.lu, Leschten Update: 11.10.2017, 15:57:23.
  5. (de)Nico Pundel: "Strassen wird eine internationale Gemeinde bleiben". Wort.lu (2021-01-06). Gekuckt de(n) 2021-02-08.
  6. (fr)Assermentation du bourgmestre et des échevins de la commune de Strassen et du bourgmestre et d'un échevin de la commune de Vichten. mint.gouvernement.lu (2021-05-02). Gekuckt de(n) 2021-02-08.
{{bottomLinkPreText}} {{bottomLinkText}}
Stroossen
Listen to this article

This browser is not supported by Wikiwand :(
Wikiwand requires a browser with modern capabilities in order to provide you with the best reading experience.
Please download and use one of the following browsers:

This article was just edited, click to reload
This article has been deleted on Wikipedia (Why?)

Back to homepage

Please click Add in the dialog above
Please click Allow in the top-left corner,
then click Install Now in the dialog
Please click Open in the download dialog,
then click Install
Please click the "Downloads" icon in the Safari toolbar, open the first download in the list,
then click Install
{{::$root.activation.text}}

Install Wikiwand

Install on Chrome Install on Firefox
Don't forget to rate us

Tell your friends about Wikiwand!

Gmail Facebook Twitter Link

Enjoying Wikiwand?

Tell your friends and spread the love:
Share on Gmail Share on Facebook Share on Twitter Share on Buffer

Our magic isn't perfect

You can help our automatic cover photo selection by reporting an unsuitable photo.

This photo is visually disturbing This photo is not a good choice

Thank you for helping!


Your input will affect cover photo selection, along with input from other users.